សេដ្ឋកិច្ច

អគ្គនាយករដ្ឋានពន្ធដារពន្យារពេលបង់ពន្ធអចលនទ្រព្យលើកទី២

ដោយ វីអូឌី
| ៣១ តុលា ២០១៦
ម៉ោង ១១:១៣

ច្រកចូល អគ្គនាយកដ្ឋានពន្ធដារ នៃក្រសួងសេដ្ឋកិច្ច និង ហិរញ្ញវត្ថុ ដែលមានទីតាំងស្ថិតនៅ សង្កាត់ទឹកល្អក់១ ខណ្ឌទួលគោក រាជធានីភ្នំពេញ

អគ្គនាយករដ្ឋានពន្ធដារប្រកាសពន្យារពេលនៃការបង់ពន្ធអចលនទ្រព្យលើកទី២ រហូតដល់ថ្ងៃទី៣០ ខែវិច្ឆិកា ហើយស្ថាប័ននេះអំពាវនាវឲ្យម្ចាស់អចលនទ្រព្យដែលជាប់ពន្ធទាំងអស់ ទៅបង់ពន្ធឲ្យទាន់ការប្រកាសពន្យារពេលលើកទី២នេះ។

សេចក្តីជូនដំណឹងរបស់អគ្គនាយកដ្ឋានពន្ធដារចេញផ្សាយនៅថ្ងៃនេះបានឲ្យដឹងថា រហូតដល់ថ្ងៃទី៣១ ខែតុលានេះ ម្ចាស់អចលនទ្រព្យជាប់ពន្ធភាគច្រើនបានទៅបង់ពន្ធហើយ តែនៅសល់មួយចំនួនទៀតមិនទាន់បានបង់។ សេចក្តីជូនដំណឹងនេះបញ្ជាក់ថា ពន្យារពេលដល់ថ្ងៃទី៣០ ខែវិច្ឆិកា ដើម្បីទុកពេលឲ្យម្ចាស់អចលនទ្រព្យជាប់ពន្ធ ហើយមានការរវល់ច្រើនអាចទៅបង់ពន្ធបាន។

សេចក្តីជូនដំណឹងនោះ ក៏បានអំពាវនាវឲ្យម្ចាស់អចលនទ្រព្យជាប់ពន្ធទាំងអស់ ទៅបង់ពន្ធឲ្យបានគ្រប់គ្នាក្នុងរយៈពេលនៃការពន្យារនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។