សាលាដំបូងរាជធានីភ្នំពេញនៅព្រឹកថ្ងៃព្រហស្បតិ៍នេះ សម្រេចផ្តន្ទាទោសអតីតឯកអគ្គរាជទូតខ្មែរប្រចាំប្រទេសកូរ៉េខាងត្បូងឲ្យជាប់ពន្ធនាគារចំនួន៥ឆ្នាំ និងពិន័យជាប្រាក់១០លានរៀល ដោយចោទថាបានរំលោភអំណាចរដ្ឋនិងកេងប្រវ័ញ្ច។
ចៅក្រមសាលាដំបូងរាជធានីភ្នំពេញ លោក កោ វណ្ឌី បានប្រកាសសាលក្រមនៅព្រឹកនេះ ដោយបញ្ជាក់ថា ទឹកប្រាក់ចំនួន១០លានរៀលដែលពិន័យនោះ ដាក់ចូលជាលុយរបស់ជាតិ និងបើកផ្លូវរយៈពេល១ខែឲ្យប្តឹងតវ៉ាចំពោះសេចក្តីសម្រេចនេះទៅសាលាឧទ្ធរណ៍។
លោក ស៊ុត ឌីណា គឺអតីតប្រធានចលនានិស្សិតដែលគាំទ្រសម្តេចក្រុមព្រះ ហើយធ្លាប់ដឹកនាំបាតុកម្មប្រឆាំងរដ្ឋាភិបាលរបស់គណបក្សប្រជាជនកម្ពុជា។ ប៉ុន្តែក្រោយមក លោកបានធ្វើជាឯកអគ្គរាជទូតកម្ពុជាប្រចាំប្រទេសកូរ៉េខាងត្បូង បន្ទាប់ពីចុះចូលជាមួយគណបក្សប្រជាជនកម្ពុជា៕
