រាជទាយាទ Maha Vajiralongkorn បានក្លាយជាក្សត្រផ្លូវការរបស់ថៃកាលពីយប់ថ្ងៃព្រហស្បតិ៍ម្សិលមិញ គឺជាការបើកសរាជថ្មីសម្រាប់អំណាចស្តេច ក្នុងប្រទេសដែលបច្ចុប្បន្នកំពុងកាន់ទុក្ខការចូលទិវង្គតព្រះបិតារបស់ព្រះអង្គនៅឡើយ។
ព្រះជន្ម៦៤ព្រះវស្សា រាជទាយាទ ជាបុត្ររបស់ស្តេចថៃ ជាស្តេចដែលមានទ្រព្យសម្បត្តិច្រើនជាងគេលើលោក បើប្រៀបធៀបនិងស្តេចផ្សេងៗទៀតនោះ រាជទាយាទ Maha Vajiralongkorn បានឡើងគ្រងរាជ្យសម្បត្តិ ក្រោយពេលព្រះបិតាព្រះអង្គគឺក្សត្រ Bhumibol Adulyadej ចូលទិវង្គតបាន៥០ថ្ងៃ។
ក្រោយពេលឆ្លងកាត់ពិធីការយ៉ាងស្មុគស្មាញ នៅក្នុងព្រះបរមរាជវាំងថៃ នៅប៉ុន្មានសប្តាហ៍កន្លងទៅនេះ ប្រធានរដ្ឋសភា បានយាងរាជទាយាទរូបនេះ ឡើងគ្រងរាជ្យហើយមានការផ្សព្វផ្សាយគ្រប់បណ្តាញទូរទស្សន៍ទាំងអស់នៅក្នុងប្រទេសថៃ។
Vajiralongkorn ថ្លែងថា ព្រះអង្គយល់ព្រមឡើងគ្រងរាជសម្បត្តិជាក្សត្រនេះ គឺធ្វើឡើងដើម្បីផលប្រយោជន៍ដល់ប្រជាជនថៃ។ នេះបើតាមការចុះផ្សាយរបស់ទីភ្នាក់ងារសារព័ត៌មាន AFP។
រជ្ជកាលរបស់ក្សត្រ Bhumibol បានបញ្ចប់កាលពីថ្ងៃទី១៣ ខែតុលា ឆ្នាំ២០១៦ ពេលដែលព្រះអង្គចូលទិវង្គត ហើយរដ្ឋាភិបាលនៃប្រទេសនេះប្រកាសកាន់ទុក្ខរយៈពេល១ឆ្នាំ៕
