ពលរដ្ឋថៃប្រមូលផ្តុំគ្នារំឭកខួបកំណើត​ស្តេច​ Bhumibol ថ្ងៃទី​៥ឆ្នូ

ពលរដ្ឋថៃរាប់ពាន់នាក់ប្រមូលផ្តុំនៅកណ្តាលទីក្រុងបាងកក នៅលើស្ពានមួយ ដើម្បីរំឭកខួបកំណើតរបស់ Bhumibol Adulyadej នៅថ្ងៃទី៥ ខែធ្នូ ដែលការរៀបចំនេះ ពួកគេបានសម្តែងពីការឈឺចាប់របស់ជាតិ ដែលបាត់បង់ស្តេចជាទីគោរពរបស់ពួកគេ។

ពួកគេសម្តែងការគោរពយ៉ាងជ្រាលជ្រៅ ចំពោះស្តេចដែលគ្រងរាជសម្បត្តិបាន៧ទសវត្សរ៍អង្គនេះ។ អ្នកចូលរួមបានថ្លែងសារពីការសោកស្តាយអាឡោះអាល័យចំពោះការបាត់បង់នេះ។ នេះបើតាមទីភ្នាក់ងារសារព័ត៌មានAFP។

ដោយសារបញ្ហាជំងឺធ្វើទុក្ខក្នុងជីវិតរបស់ព្រះអង្គនៅទសវត្សរ៍ចុងក្រោយនេះ ស្តេច Bhumibol ខកខានមិនបានចូលរួមពិធីខួបកំណើតរបស់ព្រះអង្គនៅពីរឆ្នាំចុងក្រោយ រហូតដល់ព្រះចូលទិវង្គតនៅថ្ងៃទី១៣ ខែតុលាឆ្នាំ២០១៦ ក្នុងព្រះជន្ម៨៨ព្រះវស្សា។ ក្រោយការចូលទិវង្គតរដ្ឋាភិបាលបានប្រកាសកាន់ទុក្ខរយៈពេលមួយឆ្នាំ៕