ទីភ្នាក់ងារព័ត៌មាន Reuters បានផ្សាយថា តួលេខអ្នកស្លាប់បានកើនដល់ ១២នាក់ ចំណែកឯអ្នករងរបួសមានចំនួនដល់ទៅ ៤៨នាក់។
បើតាម Reuters ប៉ូលិសទីក្រុងប៊ែរឡាំង បានសន្និដ្ឋានថា អ្នកបើកបររូបនោះ មានចេតនាបើកបរបំបុកមនុស្សនៅក្នុងផ្សារគ្រីស្មាស់ ក្នុងទីក្រុងប៊ែរឡាំង ហើយករណីនេះ ត្រូវបានគេសង្ស័យថាជាអំពើភេរវកម្ម ដែលនាំទៅដល់ការនឹកឃើញឡើងពីទិដ្ឋភាពដ៏តក់ស្លុតនៃការបើករថយន្តធុនធំបំបុកក្រុមមនុស្សនៅទីក្រុងនីស ប្រទេសបារាំង កាលពីខែកក្កដាកន្លងមក។
ការវាយប្រហារភេរវកម្មដោយបើករថយន្តបំបុកក្រុមមនុស្សនៅទីក្រុងនីស ដែលបង្កឡើងដោយបុរសដើមកំណើតទុយណេស៊ីម្នាក់នោះ បានសម្លាប់មនុស្សដល់ទៅ ៨៦នាក់ នៅចំទិវាបុណ្យជាតិបារាំង។ ក្រុមភេរវកម្មរដ្ឋអ៊ីស្លាម បានប្រកាសទទួលខុសចំពោះការវាយប្រហារនោះ៕