ឆេះផ្សារលក់កាំជ្រួចរបស់ម៉ិចស៊ីកូស្លាប់មនុស្សអស់​២៦នាក់​

អាជ្ញាធរបានរាយការណ៍ថា ភ្លើងឆេះផ្សារលក់កាំជ្រួចនៅក្នុងរដ្ឋធានីរបស់ម៉ិចស៊ីកូ កាលពីថ្ងៃអង្គារម្សិលមិញបានបណ្តាលឲ្យមនុស្ស២៦នាក់បានស្លាប់និងរាប់សិបនាក់ផ្សេងទៀតរងរបួស។​

តាមការចុះផ្សាយរបស់ទីភ្នាក់ងារសារព័ត៌មាន AFP បានឲ្យដឹងថា ភ្លើងចាប់ផ្តើមឆេះយ៉ាងឆាប់រហ័សនិងរា​លដាលការឆេះ នាំឲ្យមានផ្សែងខ្មៅហុយឡើងទៅលើពាសពេញរដ្ឋធានី។​

ក្រុមអ្នកពន្លត់អគ្គីភ័យបានព្យាយាមពន្លត់ភ្លើងឆេះ ប៉ុន្តែដោយសារស្ថានភាពឆេះខ្លាំង ទើបពួកគេនាំគ្នាជម្លៀសពលរដ្ឋចេញពីទីនោះសិន។​

ក្រុមយោធាត្រូវបាន​ដាក់ប្រចាំនៅជុំវិញនោះ ដើម្បីជួយដល់ភ្នាក់ងារជួយសង្គ្រោះ ដូចជាការដឹកជញ្ជូន​អ្នករងរបួសនិងអ្នកស្លាប់ចេញពីទីនោះ តាមរថយន្តនិងឧត្ថម្ភាចក្រ។​ អភិបាលរដ្ឋធានី លោក​ Eruviel Avila ថ្លែងថាអ្វីដែលជាចំណុចអាទិភាពនៅពេលនេះ គឺការជួយសង្គ្រោះដល់អ្នកដែលរងរបួស៕