រដ្ឋាភិបាលជប៉ុនរបស់លោក ហ្ស៊ីន ហ្សូអាបេ នៅថ្ងៃព្រហស្បតិ៍នេះ បានសម្រេចបង្កើនថវិកាលើវិស័យការពារជាតិ ដែលការបង្កើនឡើងនេះ ស្របពេលដែលចិន និង កូរ៉េខាងជើងជាប្រទេសជិតខាងរបស់ខ្លួនកំពុងតែពង្រីកកម្លាំងទ័ព។
ចិនកំពុងពង្រីកម្លាំងទ័ពរបស់ខ្លួននៅសមុទ្រខាងកើតជាប់ជប៉ុន ចំណែកកូរ៉េខាងជើងកំពុងពង្រីការបាញ់មីស៊ីលឆ្លងទ្វីប និង នុយក្លេអ៊ែដែលគំរាមកំហែងដល់ប្រទេសជប៉ុន។
គណៈរដ្ឋមន្ត្រីរបស់អាបេ កាលពីថ្ងៃព្រហស្បតិ៍នេះ បានចុះហត្ថលេខាអនុម័ត បង្កើនកញ្ចប់ថវិកា១,៤% ដែលចំណាយប្រមាណ៤៣,៦៦ពាន់លានដុល្លារលើវិស័យយោធា ចាប់ផ្តើមពីថ្ងៃទី១ខែមេសាឆ្នាំក្រោយ។ នេះបើតាមទីភ្នាក់ងារសារព័ត៌មានរ៉យទ័រ។
ប្រសិនបើបានអនុម័តដោយសមាជិកសភាដែល ដែលគេមើលឃើញថា កំពុងគ្រប់គ្រងដោយគណបក្សប្រជាធិបតេយ្យសេរីនោះ វានឹងក្លាយជាការកើនឡើងនៃការចំណាយប្រចាំឆ្នាំជាប់គ្នាលើកទីប្រាំ ។
