ត្រាំជ្រើសរើសយកអ្នកសរសេរសៀវភៅអាមេរិកស្លាប់ដោយសារចិនធ្វើទីប្រឹក្សា

ប្រធានាធិបតីជាប់ឆ្នោត​អាមេរិក​ លោក ដូណល ត្រាំ បានជ្រើសរើសយកលោក​ Peter Navarro ជាអ្នកសេដ្ឋកិច្ច ដែលធ្លាប់បានជំរុញឲ្យអនុវត្តគោលនយោបាយសេដ្ឋកិច្ចតឹងជាមួយចិន ធ្វើជាអ្នកដឹកនាំក្រុមប្រឹក្សាគោលនយោបាយសេដ្ឋកិច្ចនៅសេតវិមាន។​ នេះបើតាមក្រុមមន្ត្រីរបស់លោកត្រាំថ្លែងកាលពីម្សិលមិញ។​

លោក​ Navarro ជាអ្នកសេដ្ឋកិច្ច និង​ជាទីប្រឹក្សាលើការវិនិយោគ ហើយក៏ជាអ្នកសរសេរសៀវភៅ និង ផលិតវីឌីអូឯកសារជាច្រើន ដែលពិពណ៌នាពីចិនគំរាមកំហែងសេដ្ឋកិច្ចអាមេរិក​ ស្របពេលដែលទីក្រុងប៉េកាំងកំពុងប្រើឥទ្ធិពលសេដ្ឋកិច្ច និង យោធាលើបណ្តារប្រទេសនៅអាស៊ី។ នេះ បើតាមទីភ្នាក់ងារសារព័ត៌មានរ៉យទ័រ។​

ក្រុមការងាររបស់ត្រាំបានលើកឡើងក្នុងសេចក្តីថ្លែងការណ៍ថា Navarro ជាអ្នកមានចក្ខុវិស័យ ធ្វើការអភិវឌ្ឍគោលនយោបាយសេដ្ឋកិច្ចដែលបានធ្លាក់ចុះ ដើម្បីឲ្យរីកចម្រើន និងជួយបញ្ឈប់​ការបាត់បង់ទីផ្សារការងារក្នុងប្រទេស។​

ត្រាំ គឺជាបេក្ខជនមកពីគណបក្សសាធារណរដ្ឋ ជាអ្នកល្បីឈ្មោះខាងធ្វើជំនួញ ហើយក្នុងយុទ្ធនាការឃោសនារបស់លោក​គឺលោកថា នឹងប្រឆាំងជាមួយអ្នកដែលមានទំនាក់ទំនងមិនល្អជាមួយអាមេរិក គឺលោកព្រមាន​បង្កើនពន្ធនាំចូលពីប្រទេសម៉ិកស៊ីកូ និង ចិនពេលដែលលោកចូលកាន់តំណែងនៅថ្ងៃទី២០ខែមករាខាងមុខនេះ។​

Navarro អាយុ៦៧ឆ្នាំ ជាសាស្ត្រាចារ្យនៅសាកលវិទ្យាល័យ Irvine នៅកាលីហ្វ័រញា ​និងជាទឹប្រឹក្សាក្នុងអំឡុងពេលត្រាំធ្វើយុទ្ធនាការគឺលោកបានសរសេរសៀវភៅជាច្រើន ក្នុងនោះមានសៀវភៅមួយឈ្មោះថា ស្លាប់ដោយសារចិន ដែលបាននិយាយពីការថយចុះផលិផលគោលរបស់អាមេរិក ដោយសារតែចិនជាអ្នកបង្កឡើង។​

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ