អាជ្ញាធរហ្វីលីពីន បានចាប់ខ្លួនមនុស្ស ៦នាក់ និងរឹបអូសបានថ្នាំញៀនមានតម្លៃ ៦៧លានដុល្លារ កាលពីថ្ងៃម្សិលមិញនេះ ដែលនោះគឺជាការបង្ក្រាបថ្នាំញៀនដ៏ធំបំផុតនៅក្នុងសង្គ្រាមប្រឆាំងគ្រឿងញៀននៅទូទាំងប្រទេស។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
Reuters បានចុះផ្សាយដូច្នេះដោយបានដកស្រង់សម្ដីរបស់ទីភ្នាក់ងារនៃការិយាល័យស៊ើបអង្កេតជាតិ ដែលបាននិយាយថា ប៉ូលិសបានចូលទៅបង្ក្រាបដោយស្ងប់ស្ងាត់នៅសង្កាត់ San Juan ក្នុងទីក្រុងម៉ានីល និងបានចូលឃើញគ្រឿងញៀន ៥៦០គីឡូក្រាម។
ប៉ូលិសនិយាយថា នៅពេលប៉ូលិសឆ្មក់ចូលបង្ក្រាប មនុស្ស ៦នាក់ ស្ថិតនៅក្នុងផ្ទះនោះ ក្នុងនោះមានជនជាតិហ្វីលីពីន និងជនជាតិចិន។
ការរឹបអូសនេះ នឹងក្លាយជាកម្លាំងជំរុញមួយសម្រាប់ប្រធានាធិបតីហ្វីលីពីន លោក រ៉ូទ្រីហ្កូ ឌូទើតេ ដែលរងការរិះគន់យ៉ាងខ្លាំងក្លាចំពោះសង្គ្រាមប្រឆាំងគ្រឿងញៀនរបស់លោក៕
មនុស្សជាង ៦ពាន់នាក់ហើយ ត្រូវបានគេសម្លាប់នៅក្នុងការបង្ក្រាបឧក្រិដ្ឋកម្មគ្រឿងញៀន ចាប់តាំងលោក ឌូទើតេ ឡើងកាន់តំណែងកាលពីចុងខែមិថុនាកន្លងមក៕
