រថយន្តជិត ៦ពាន់គ្រឿង ត្រូវបានអាជ្ញាធរប្រមូលពន្ធដារកម្ពុជាប្រកាសថា មិនបានបង់ពន្ធទាន់ពេលវេលា ហើយត្រូវផាកពិន័យ បន្ទាប់ពីរយៈពេលនៃការបង់ពន្ធ ត្រូវបានបញ្ចប់ទៅទាំងពីចុងខែវិច្ឆិកាឆ្នាំមុនម៉្លេះ។
ក្នុងសេចក្ដីប្រកាសព័ត៌មានកាលពីថ្ងៃទី០៣ ខែមីនានេះ អគ្គនាយកដ្ឋានពន្ធដារ បានប្រកាសថា គិតត្រឹមថ្ងៃទី២៨ ខែកុម្ភៈកន្លងមកនេះ សមត្ថកិច្ចបានផាកពិន័យរថយន្តចំនួន ៥៩៩៧គ្រឿង ដោយប្រមូលបានថវិកា ១លាន ៣៤ម៉ឺនដុល្លារ។
ការបង់ពន្ធលើមធ្យោបាយដឹកជញ្ជូន បានបញ្ចប់ទៅកាលពីចុងខែវិច្ឆកា ឆ្នាំ២០១៦កន្លងមក ហើយបន្ទាប់មក អគ្គនាយកដ្ឋានពន្ធដារ បានប្រកាសបើកយុទ្ធនាការផាកពិន័យរថយន្តមិនទាន់បង់ពន្ធ ចាប់ពីពាក់ខែមករាកន្លងមកនេះ៕
