អាមេរិក​និង​ចិន​បន្ទន់​សំឡេង​លើ​បញ្ហា​កូរ៉េ​ខាង​ជើង​ ងាក​ទៅ​ធ្វើការ​រួម​គ្នា

រដ្ឋមន្ត្រីការបរទេសចិន លោក វ៉ាង យី (ស្តាំ)​និង​រដ្ឋមន្ត្រីការបរទេសអាមេរិក Rex Tillerson ​(រូបភាពពី​ទីភ្នាក់​ងារ​ Reuters)

រដ្ឋមន្ត្រី​ការបរទេស​អាមេរិក Rex Tillerson បាន​ថ្លែង​កាល​ពី​ថ្ងៃ​ម្សិល​មិញ​ថា សហ​រដ្ឋ​អាមេរិក និង​ចិន នឹង​ធ្វើការ​រួម​គ្នា ដើម្បី​នាំ​កូរ៉េ​ខាង​ជើង ឲ្យ​ដើរ​លើ​ផ្លូវ​មួយ​ផ្សេង​វិញ។ នេះ​ដោយ​យោង​តាម​ការ​ចុះ​ផ្សាយ​របស់​ទីភ្នាក់ងារ​ព័ត៌មាន Reuters ដែល​មើល​ឃើញ​ថា ប្រមុខ​កាទូត​អាមេរិក​បាន​បន្ទន់​ជំហរ​ក្នុង​ការ​រិះគន់​ក្រុង​ប៉េកាំង បន្ទាប់​ពី​ជួប​ពិភាក្សា​ជាមួយ​សម​ភាគី​របស់​លោក។

ចិន​តែងតែ​ត្រូវ​បាន​ក្រុង​វ៉ាស៊ីងតោន​ប្រាប់​ឲ្យ​គ្រប់​គ្រង​កម្មវិធី​នុយក្លេអ៊ែរ​ និង​គ្រាប់​មីស៊ីល​របស់​កូរ៉េ​ខាង​ជើង ដែល​ស្ថិត​ចំណុច​កណ្ដាល​នៃ​ការ​ប្រជែង​គ្នា​រវាង​មហា​អំណាច​សេដ្ឋកិច្ច​ធំ​ទាំង​ពីរ​នេះ។

ប៉ុន្តែ រដ្ឋ​មន្ត្រី​ការបរទេស​ចិន លោក វ៉ាង យី បាន​ហៅ​ជំនួប​របស់​លោក​ជាមួយ​លោក Tillerson ថា “ប្រកប​ទៅ​ដោយ​ផ្លែផ្កា និង​ត្រង់​ទៅ​ត្រង់​មក”។

លោក​បន្ថែម​ថា ភាគី​ទាំង​ពីរ​ហាក់​ជំរុញ​ឲ្យ​មាន​ការ​វិវឌ្ឍន៍ ឬ​ទុក​ចោល​ការ​ខ្វែង​គំនិត​គ្នា​លើ​បញ្ហា​នានា​មួយ​ឡែក​សិន ប៉ុន្តែ បាន​ជំរុញ​ឲ្យ​មាន​ជំនួប​កំពូល​រវាង​ប្រធានាធិបតី​ចិន លោក ស៊ី ជិនពីង និង​ប្រធានាធិបតី​អាមេរិក លោក ដូណាល់ ត្រាំ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ