របាយការណ៍នគរបាលចរាចរណ៍ផ្លូវគោក បានឲ្យដឹងថា មនុស្សដល់ទៅ ១៣៩នាក់ ត្រូវបានសម្លាប់ ហើយជាង ៥០០នាក់ទៀត បានរងរបួស នៅក្នុងគ្រោះថ្នាក់ចរាចរណ៍រយៈពេល ២១ថ្ងៃក្នុងខែនេះ។
របាយការណ៍ចរាចរណ៍ផ្លូវគោកដែលផ្សាយនៅលើវេបសាយនគរបាលជាតិ បានឲ្យដឹងថា ចាប់ពីថ្ងៃទី១ ដល់ថ្ងៃទី២១ ខែមេសានេះ គ្រោះថ្នាក់ចរាចរណ៍ដល់ទៅ ២៩៦ករណី បានកើតឡើងនៅទូទាំងប្រទេស ដោយសម្លាប់មនុស្សដល់ទៅ ១៣៩នាក់ និងបណ្ដាលឲ្យមនុស្ស ៥២៦នាក់ទៀតរងរបួសធ្ងន់ស្រាល។
គ្រោះថ្នាក់ចរាចរណ៍បានកើតឡើងរៀងរាល់ថ្ងៃ ដោយបានសម្លាប់មនុស្សជាង ១៦០០នាក់ និងបណ្ដាលឲ្យមនុស្សជាង ៦៦០០នាក់ទៀតរងរបួស កាលពីឆ្នាំ២០១៦កន្លងមក៕
