ពន្ធនាគារបង់លុយទំហំដីជាង១ហិកតាសាងសង់នៅភ្នំពេញ

រដ្ឋាភិបាលបានសហការជាមួយក្រុមហ៊ុន ឯកជនក្នុងវិនិយោគលើការសាងសង់អាគារ ពន្ធនាគារ សម្រាប់អប់រំកែប្រែអ្នក​ញៀន​ថ្នាំ និងថែទាំសុខភាពសម្រាប់អ្នកជាប់ឃុំទាំងឡាយណា​ ដែលមានលទ្ធភាពអាចបង់សេវាតាមការកំណត់ណាមួយ។​

តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា មន្ត្រីរដ្ឋាភិបាល និងក្រុមហ៊ុន​គន្ធរីខុន ហូលឌីង បានធ្វើពិធីបញ្ជុះបឋមសីលាសាងសង់អគារពន្ធនាគារបង់លុយនេះ​កាលពីថ្ងៃអង្គារម្សិលមិញ។ ពន្ធនាគារបង់លុយនេះ ធ្វើនៅមជ្ឈមណ្ឌលអប់រំកែប្រែទី១ ដែលគ្រោងចំណាយថវិកាអស់ជាង៤លានដុល្លារអាមេរិក។​

ពន្ធនាគារបង់លុយនេះ មានផ្តល់​សេវាកម្ម ស្នាក់នៅសម្រាប់ជនជាប់ឃុំ សេវាកម្មសុខាភិបាលសម្រាប់ ជនជាប់ឃុំដោយរួមបញ្ជូលទាំងសេវាផ្តាច់គ្រឿងញៀន និងសេវាកម្មផ្គត់ផ្គង់អាហារ និងសម្ភារជាដើម។

បើតាម​លោក យ៉ាវ ចេងមិញ អគ្គនាយករងក្រុមហ៊ុនគន្ធរីខុនហូលឌីង បានឲ្យដឹងថា ដំណាក់កាលទី១ គឺសាងសង់អាគារចំនួនពីរ គឺអាគារសម្រាប់ឃុំខ្លួនមួយ និង អគាររដ្ឋបាល និងអគារស្តារនីតិសម្បទាសម្រាប់អ្នកជាប់ឃុំដែលមានផ្ទុកសារជាតិញៀន។លោកបន្តថា អគារថ្មីមួយនេះ គឺអាចមានលទ្ធភាពផ្ទុកអ្នកជាប់ពន្ធនាគារចំនួន១២០០នាក់ ដែលតាមការគ្រោងទុកនឹង បញ្ចប់ការសាងសង់នៅពាក់កណ្តាលឆ្នាំ២០១៨។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ