សមត្ថកិច្ចហ្វីលីពីន បានអន្តរាគមន៍ក្រោយពេលខ្មាន់កាំភ្លើងម្នាក់ បើការវាយប្រហារនៅបនល្បែងមួយនៅក្នុងទីក្រុងម៉ានីល នៅព្រឹកថ្ងៃសុក្រនេះ បានបណ្តាលឲ្យមនុស្សចំនួន៣៤នាក់ស្លាប់ភ្លាមៗ ហើយអ្នកផ្សេងទៀតកំពុងបាត់ខ្លួន។
មន្ត្រីគ្រប់គ្រងការពន្លត់អគ្គិភ័យបានឲ្យដឹងថា ក្រោយពេលបាញ់ប្រហារបណ្តាលឲ្យភ្លើងឆេះ ហើយអ្នកស្លាប់ភាគច្រើនដោយសារការថប់ដង្ហើម។ នេះបើតាមទីភ្នាក់ងារព័ត៌មានរ៉យទ័រ។
នគរបាលនិយាយថា បុរសជាខ្មាន់កាំភ្លើង បានបាញ់សម្លាប់ខ្លួនឯងក្រោយពេលបាញ់រកចំណុចឲ្យផ្ទុះឆេះ បនល្បែង និង បាញ់ប្រហារអ្នកនៅទីនោះ។ នគរបាលបញ្ជាក់ថា សកម្មភាពរបស់ខ្មាន់កាំភ្លើងនោះដូចក្រុមចោរប្លន់ច្រើនជាង មិនដូចជាភេរវកម្មនោះទេ។
អគ្គស្នងការនគរបាលជាតិហ្វីលីពីនថ្លែងថា ខ្មាន់កាំភ្លើងមិនមានបំណងវាយប្រហារនៅកន្លែងកំសាន្តដែលជាកន្លែងស្មុគស្មាញមានមនុស្សច្រើនទេ គឺគ្រាន់តែជាការចង់ប្លន់យកលុយតែប៉ុណ្ណោះ។
ជាជំហានដំបូងសមត្ថកិច្ចសន្និដ្ឋានថា ខ្មាន់កាំភ្លើងបានស្លាប់ក្នុងហេតុការណ៍ហើយ ចំណែកសមត្ថកិច្ចកំពុងបើការស៊ើបអង្កេតបន្តទៀត៕
