ជនអន្តោប្រវេសន៍វៀតណាម ១៧នាក់ ត្រូវបាននគរបាលអន្តោប្រវេសន៍កម្ពុជា ឃាត់ខ្លួននៅខណ្ឌជ្រោយចង្វា នៅព្រឹកថ្ងៃនេះ។ នេះដោយយោងតាមការផ្សាយរបស់គេហទំព័រនគរបាលជាតិ។
គេហទំព័រដដែលនេះ បានបន្តថា នគរបាលអន្តោប្រវេសន៍កម្ពុជា បានចុះត្រួតពិនិត្យទីតាំងការដ្ឋានបូមខ្សាច់ ៣កន្លែង នៅតាមមាត់ទន្លេ ស្ថិតនៅក្នុងភូមិបាក់ខែង សង្កាត់ព្រែកលៀប និងបានរកឃើញជនជាតិវៀតណាម ១៧នាក់ ក្នុងនោះមានស្រី ២នាក់ផងដែរ បានស្នាក់នៅដោយគ្មានលិខិតឆ្លងដែន និងឯកសារត្រឹមត្រូវនោះឡើយ។
គេហទំព័រនគរបាលជាតិ បានដកស្រង់សម្ដីលោក អ៊ា ភក្ដី នាយរងការិយាល័យគ្រប់គ្រងជនបរទេសនៃស្នងការដ្ឋាននគរបាលរាជធានីភ្នំពេញ ដែលបាននិយាយថា ជនជាតិវៀតណាមទាំង ១៧នាក់នោះ ត្រូវបានចាប់ខ្លួន និងបញ្ជូនអគ្គនាយកដ្ឋានអន្តោប្រវេសន៍៕
