អារ៉ាប់ប៊ីសាអ៊ូឌីតបញ្ជាក់ថានៅតែបន្តផ្តាច់ទំនាក់ទំនងជាមួយកាតា

រដ្ឋអារ៉ាប់ប្តេជ្ញាថា នៅតែបន្តការផ្តាច់ទំនាក់ទំនងការទូតជាមួយ ប្រទេសកាតា ដោយចោទថា ប្រទេសនេះឆ្លើយតបអវិជ្ជមានចំពោះការចោទលើបញ្ហាវិបត្តិការទូត។​

ប្រទេសកាតា បានបង្ហាញជំហរក្នុងការចរចាដើម្បីដោះស្រាយបញ្ហា ក្រោយពេល ប្រធានាធិបតី ដូណល ត្រាំ បានថ្លែងនៅក្នុងប្រទេសអេហ្ស៊ីបដោយជំរុញ ភាគីពាក់ព័ន្ធនៃជម្លោះផ្តាច់ទំនាក់ទំនងការទូតនេះ ចរចាដើម្បីពង្រឹងទំនាក់ទំនងឡើងវិញ។​

រដ្ឋមន្ត្រីការបរទេស Egypt, Saudi Arabia, Bahrain និង United Arab Emirates​​ ជាប្រទេសដែលបានផ្តាច់ទំនាក់ទំនងការទូតជាមួយកាតា បានជួបប្រជុំគ្នានៅទីក្រុងគែកាលពីម្សិលមិញ ហើយបានចេញសេចក្តីថ្លែងការណ៍រួម ដោយបញ្ជាក់ថា ពួកគេសោកស្តាយចំពោះ ប្រទេសកាតា ដែលបានឆ្លើយតបអវិជ្ជមាន លើបញ្ហាកំពុងប្រឈម។​  នេះបើតាមទីភ្នាក់ងារព័ត៌មាន AFP។​

រដ្ឋមន្ត្រីការបរទេស Egypt ថ្លែងថា ការឆ្លើយតបរបស់កាតាគឺមិនបានបញ្ជាក់ប្រាប់ពីស្ថានភាពកំពុងកើតមាននៅក្នុងតំបន់ និង មិនបានធានាពីស្ថិរភាពសន្តិសុខនោះទេ។​

ប្រទេសកាតាត្រូវបានសម្ព័ន្ធមិត្តអារ៉ាប់ប្រកាសផ្តាច់ទំនាក់ទំនងការទូត ដោយសារចោទថា កាតាបានគាំទ្រដល់ពួកធ្វើសកម្មភាពជ្រុលនិយម​ បង្កអសន្តិសុខក្នុងតំបន់ និង ផ្ទុយពីច្បាប់អន្តរជាតិ៕