IMF៖ កម្ពុជាមានកំណើនសេដ្ឋកិច្ច៧ភាគរយ នៅឆ្នាំ២០១៧ ​និង​២០១៨

ក្រុមស្រាវជ្រាវរបស់មូលនិធិរូបិយវត្ថុអន្តរជាតិ​(IMF)បានបង្ហាញ របាយការណ៍សិក្សា កាលថ្ងៃអង្គារម្សិលមិញថា អត្រាកំណើនសេដ្ឋកិច្ចកម្ពុជាស្ថិតនៅក្នុងរង្វង់៧% សម្រាប់ឆ្នាំ២០១៧ និង ២០១៨។​

ការសិក្សានោះក៏បានជំរុញឲ្យមានការធ្វើកំណែទម្រង់លើផ្នែកមួយចំនួនផងដែរ ដើម្បីធានាលើកំណើនសេដ្ឋកិច្ចនេះដូចជា ការបញ្ចុះតម្លៃអគ្គិសនី ធ្វើឲ្យប្រសើរឡើងផ្នែកហេដ្ឋារចនាសម្ព័ន្ធនិងធនធានមនុស្ស  ពង្រឹងការអនុវត្តច្បាប់ និងតម្លាភាពសង្គម​។​

ការសិក្សាបន្តថា កំណើនសេដ្ឋកិច្ចរបស់កម្ពុជានៅតែមានភាពរឹងមាំ បើធៀបឆ្នាំ២០១៦ ទោះបីជាមានអតិផរណាសេដ្ឋកិច្ច៣% ដោយសារតម្លៃអាហារ និង អគ្គិសនីខ្ពស់ពេកក៏ដោយ។៕