អភិបាលកិច្ច

ជប៉ុនផ្តល់ប្រាក់២០០លានដុល្លារសម្រាប់គម្រោងអភិវឌ្ឍន៍ធំ២ដល់កម្ពុជា

ដោយ វីអូឌី
| ០៨ សីហា ២០១៧
ម៉ោង ១០:៥៤

លោក ហ៊ុន សែន អញ្ជើញជួបប្រជុំកំពូលជាមួយនាយករដ្ឋមន្រ្តីជប៉ុន Shinzo Abe (FB: លោក ហ៊ុន សែន)

នាយករដ្ឋមន្ត្រីជប៉ុន លោក ស៊ិនហ្សូ អាបេ (Shinzo Abe) បានចុះហត្ថលេខាលើឯកសារផ្តល់ប្រាក់ ២០០លានដុល្លារ សម្រាប់គម្រោងអភិវឌ្ឍន៍ធំៗ២នៅកម្ពុជា ខណៈពេលលោកនាយករដ្ឋមន្ត្រី ហ៊ុន សែន ទៅបំពេញទស្សនកិច្ចនៅទីក្រុងតូក្យូ។

យោងតាមទំព័រហ៊្វេសប៊ុករបស់លោកនាយករដ្ឋមន្ត្រី ហ៊ុន សែន បានឲ្យដឹងកាលពីថ្ងៃទី៧ខែសីហាថា បន្ទាប់ពីបញ្ចប់កិច្ចប្រជុំកំពូល នៅវិមានរដ្ឋាភិបាលជប៉ុន លោកនាយករដ្ឋមន្ត្រី ស៊ិនហ្សួ អាបេ បានចុះហត្ថលេខាលើឯកសារគម្រោងអភិវឌ្ឍន៍ធំៗចំនួន២ ទី១ ការផ្តល់ហិរញ្ញប្បទានឥតសំណងមានទឹកប្រាក់សរុប ៣,៩៤៨លានយ៉េន (ប្រមាណ ៣៥លានដុល្លារអាមេរិក) សម្រាប់អនុវត្តន៍លើប្រព័ន្ធការពារទឹកជំនន់ក្នុងរាជធានីភ្នំពេញ ទី២ ការផ្តល់ឥណទានសម្បទានចំនួន ២៣,៥០២លានយ៉េន (ប្រមាណ ២០៩លានដុល្លារអាមេរិក) សម្រាប់អនុវត្តគម្រោងអភិវឌ្ឍន៍ចំណតផែកុងតឺន័រថ្មី របស់កំពង់ផែនស្វ័យ័តក្រុងព្រះសីហនុ។

លោកនាយករដ្ឋមន្ត្រីជប៉ុន ស៊ិនហ្សូ អាបេ បានសន្យាថា ជប៉ុននឹងបន្តជួយអភិវឌ្ឍកម្ពុជាឲ្យក្លាយជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ខាងមុខ៕

ម៉ាប់ ស៊ុយ Mabsuy168@gmail.com

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។