មេដឹកនាំអឺរ៉ុបកំពុងមានចំណាត់ការករណី​ស៊ុតមានសារធាតុគីមី

បណ្តាមេដឹកនាំនៅប្រទេសអឺរ៉ុប កំពុងតែប្រជុំដោះស្រាយបញ្ហាស៊ុតមានសារធាតុគីមី ក្រោយពេលដែលអ្នកជំនាញបានរកឃើញថា សារធាតុប្រភេទនោះ កំពុងតែធ្វើឲ្យប៉ះពាល់ដល់សុខភាពមនុស្សអ្នកបរិភោគពិសេសប្រព័ន្ធប្រសាទ។​

ប្រធានក្រុមការងារត្រួតពិនិត្យសុវត្ថិភាពចំណីអាហារនៅអឺរ៉ុប​ លោក​ Vytenis Andriukaitis ថ្លែងថា បណ្តាប្រទេសទាំងអស់នៅអឺរ៉ុបគួរតែបញ្ឈប់ការបន្ទោសគ្នាទៅវិញទៅមក ហើយបើកការប្រជុំមួយ ថ្នាក់រដ្ឋមន្ត្រី និង​ភាគីពាក់ព័ន្ធផ្សេងទៀតដើម្បីដោះស្រាយ។​

ស៊ុតដែលគេរកឃើញថា មានសារធាតុ​គីមីនោះគឺនាំចេញពីប្រទេសហូឡង់ ហើយពេលនេះត្រូវបានផ្អាកការនាំចេញ។ ប្រទេសហូឡង់គឺជាប្រទេសនៅអឺរ៉ុបដែលផលិតស៊ុតច្រើនជាគេនៅលើពិភពលោក​ ហើយនាំចូលលក់នៅអឺរ៉ុបច្រើនជាគេ។​

សារធាតុគីមីដែលគេរកឃើញនោះមានឈ្មោះ fipronil ជាភេទថ្នាំដែលសម្លាប់សត្វល្អិត វាជាភេទថ្នាំគីមី ដែលធ្វើឲ្យប៉ះពាល់ដល់ប្រព័ន្ធប្រសាទ។​

ក្រោយការសង្ស័យហើយក្រុមមន្ត្រីជំនាញស៊ើបអង្កេត គឺកសិដ្ឋានចិញ្ចឹមសត្វនៅក្នុងប្រទេសហូឡង់ជាង ១០០០កន្លែងត្រូវបិទ និង ចំនួន​២៦ផ្សេងទៀត កំពុងស្ថិតនៅក្នុងការសង្ស័យ៕

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered