អង់គ្លេសស្វែងរកការធ្វើពាណិជ្ជកម្មជាមួយជប៉ុន

មេដឹកនាំអង់គ្លេសលោកស្រី​ ធាសា មេ បានចាប់ផ្តើម​បំពេញទស្សនកិច្ចផ្លូវការនៅប្រទេសជប៉ុន ដើម្បីស្វែងរកការពង្រឹងផ្នែកទំនាក់ទំនងពាណិជ្ជកម្ម​ ខណៈអង់គ្លេសបារម្ភពេលចាកចេញពីសហភាពអឺរ៉ុបជួបបញ្ហាមួយចំនួនចំពោះក្រុមហ៊ុន​ដែលកំពុងប្រតិបត្តិការនៅទីនោះ។​

ជប៉ុនបានចរចាជាមួយអង់គ្លេសក្នុងនាមជាការពង្រឹងទំនាក់ទំនងពាណិជ្ជកម្មជាមួយប្រទេសសមាជិកអឺរ៉ុប  ខណៈ​ក្រុមហ៊ុនមួយចំនួន​ដែលមានមូលដ្ឋាននៅក្នុងប្រទេសអង់គ្លេសមានបុគ្គលិក​ប្រមាណ១៤០ ០០០នាក់ កំពុងធ្វើការងារនៅទីនោះ។​ នេះបើតាមសារព័ត៌មាន ​BBC។​

អង់គ្លេសមិនអាចចេញមុខចរចាជាទ្វេរភាគីជាមួយជប៉ុនបានទេ រហូតដល់​អង់គ្លេសចាកចេញពីសហភាពអឺរ៉ុបជាផ្លូវការនៅឆ្នាំ២០១៩។​

បច្ចុប្បន្នជប៉ុន​កំពុងទទួលរងការគំរាមកំហែងពី កូរ៉េខាងជើង​ ហើយនៅក្នុងដំណើរទស្សនកិច្ចនេះ លោកស្រី ធាសា មេ ក៏បានប្រកាសថ្កោលទោស​កូរ៉េខាងជើង​ថា ការបាញ់សាកល្បងអាវុធមីស៊ីលនោះជា ទង្វើបង្កជម្លោះដោយខុសច្បាប់អន្តរជាតិ៕