ធនាគារជាតិនៃកម្ពុជាបានចេញសេចក្តីជូនដំណឹងមួយដល់សាធារណជនដែលមានក្រដាសប្រាក់រៀលចាស់ ទក់ ឬរហែក អាចប្តូរជាក្រដាសប្រាក់ថ្មីបាននៅ ធនាគាជាតិគ្រប់សាខារាជធានី-ខេត្ត។
យោងតាមលិខិតជូនដំណឹងរបស់ធាគារជាតិនៃកម្ពុជាចេញផ្សាយនៅថ្ងៃទី៣១ សីហានេះថា អគ្គបេឡាធនាគាជាតិនៃកម្ពុជា នឹងផ្តល់ឱកាសជូនសាធារណជនដែលមានក្រដាសប្រាក់រៀល ចាស់ ទក់ ឬរហែក មកប្តូរក្រដាសថ្មីពីធនាគាជាតិនៃកម្ពុជា។ ការប្តូរប្រាក់នេះ នឹងប្រព្រឹត្តទៅនៅថ្ងៃទី១១ដល់ ថ្ងៃទី១៥ ខែកញ្ញា ឆ្នាំ២០១៧ រៀងរាល់ម៉ោងធ្វើការ គ្រប់សាខាធនាគារជាតិនៃកម្ពុជារាជធានី-ខេត្ត (លើកលែងតែទីស្នាក់ការកណ្តាលនៅភ្នំពេញប៉ុណ្ណោះ)។
កាលពីខែកក្កដាកន្លងទៅ ក្រសួងពាណិជ្ជកម្មតម្រូវឲ្យគ្រប់ហាងទំនិញនៅក្នុងប្រទេសទាំងអស់ បិតស្លាកតម្លៃទំនិញដែលលក់លើទីផ្សារជាប្រាក់រៀល ដើម្បីធានាដល់ការរីកចម្រើនសេដ្ឋកិច្ចទីផ្សារសេរីរបស់ប្រទេសនិងលើកស្ទួយរូបិយវត្ថុជាតិ «ប្រាក់រៀល»៕
ហូរ តុងហាន់
