នាយករដ្ឋមន្រ្តីថៃនឹងមកបំពេញទស្សនកិច្ចនៅកម្ពុជានៅសប្ដាហ៍ក្រោយ ដើម្បីចូលរួមប្រជុំទ្វេភាគីជាមួយនាយករដ្ឋមន្ត្រីកម្ពុជាស្ដីពីការពង្រឹងកិច្ចសហប្រតិបត្តិការរវាងប្រទេសទាំងពីរ។
តាមសេចក្ដីប្រកាសព័ត៌មានរបស់ក្រសួងការបរទេសកម្ពុជា ចុះថ្ងៃទី ០១ ខែ កញ្ញានេះ បានឲ្យដឹងថានាយករដ្ឋមន្រ្តីថៃ លោក ប្រាយុទ្ធ ច័ន្ទអូចា នឹងមកបំពេញទស្សនកិច្ចនៅកម្ពុជានៅថ្ងៃទី ០៧ ខែ កញ្ញា និងប្រជុំទ្វេភាគី ជាមួយនឹងលោក ហ៊ុន សែន នាយករដ្ឋមន្រ្តីកម្ពុជា។
សេចក្ដីប្រកាសព័ត៌មានដដែលបានឲ្យដឹងថាក្នុងដំណើរទស្សនកិច្ចនោះលោក ច័ន្ទអូចា និង លោក ហ៊ុន សែន ធ្វើជាសហប្រធានកិច្ចប្រជុំទ្វេភាគី នៃគណៈរដ្ឋមន្រ្តីមន្រ្តីចម្រុះថៃ និង កម្ពុជាលើកទី ៣ ស្តីពីការ “ពង្រឹងភាពជាដៃគូ ដើម្បីសន្តិភាព និងវិបុលភាព” ដើម្បីជំរុញបន្ថែមនូវកិច្ចសហប្រតិបត្តិការរវាងប្រទេសទាំងពីរ។
