សហភាព​អឺរ៉ុប​ថា ការ​ចាប់​ខ្លួន​លោក កឹម សុខា រំលោភ​លើ​អភ័យ​ឯក​សិទ្ធិ​សភា

លោក កឹម សុខា ពេលចាប់ខ្លួន កាលពីថ្ងៃទី៣ ខែកញ្ញា ​ឆ្នាំ២០១៧។

សហភាព​អឺរ៉ុប បាន​ប្រតិកម្ម​ទៅ​នឹង​ការ​ចាប់​ខ្លួន​មេដឹកនាំ​បក្ស​ប្រឆាំង​នៅ​កម្ពុជា​ពី​សំណាក់​រដ្ឋាភិបាល​កម្ពុជា ដោយ​ចាត់​ទុក​ថា បាន​រំលោភ​ទៅ​នឹង​​អភ័យ​ឯកសិទ្ធិ​សភា និង​គូស​បញ្ជាក់​ឲ្យ​ឃើញ​ពី​ការ​កើន​ឡើង​កម្ដៅ​នយោបាយ​ប្រកប​ដោយ​គ្រោះ​ថ្នាក់។

មេដឹកនាំ​គណបក្ស​សង្គ្រោះ​ជាតិ លោក កឹម សុខា ត្រូវ​បាន​សមត្ថកិច្ច​ចាប់​ខ្លួន​កាល​ពី​ម៉ោង ១២ និង​ ៣៥​នាទី​រំលង​អធ្រាត្រ​ឈាន​ចូល​ថ្ងៃ​ទី​០៣ ខែ​កញ្ញា នៅ​ឯ​គេហដ្ឋា​របស់​លោក។

រដ្ឋាភិបាល​បាន​ចេញ​សេចក្ដី​ថ្លែងការណ៍ ដោយ​បាន​ចោទ​លោក កឹម សុខា ថា​ “​ក្បត់​ជាតិ” និង​ឃុប​ឃិត​ជាមួយ​បរទេស​ ដើម្បី​ផ្ដួល​រំលំ​រដ្ឋាភិបាល​ស្រប។ រដ្ឋាភិបាល​បាន​ចោទ​ប្រកាន់​បែប​នេះ ដោយ​ផ្អែក​ទៅ​តាម​វីដេអូ​មួយ​របស់​បណ្ដាញ​ព័ត៌មាន CBN មាន​មូលដ្ឋាន​នៅ​អូស្ត្រាលី។

សហភាព​អឺរ៉ុប​បាន​ចេញ​សេចក្ដី​ថ្លែងការណ៍​កាល​ពី​ថ្ងៃ​ម្សិលមិញ​ថា ការ​ចាប់​ខ្លួន​មេដឹកនាំ​បក្ស​ប្រឆាំង​រូប​នេះ ត្រូវ​បាន​ធ្វើ​ឡើង​ដោយ​រំលោភ​លើ​អភ័យ​ឯក​សិទ្ធិ​សភា​ និង​គូស​បញ្ជាក់​ពី​កំណើន​កម្ដៅ​នយោបាយ​ប្រកប​ដោយ​គ្រោះ​ថ្នាក់។

ក្នុង​សេចក្ដី​ថ្លែងការណ៍​ដដែល​នោះ សហភាព​អឺរ៉ុប​បាន​និយាយ​ថា ខ្លួន​រំពឹង​ថា អាជ្ញាធរ​កម្ពុជា​នឹង​ដោះ​លែង​លោក កឹម សុខា ជា​បន្ទាន់ ខណៈ​ដែល​លោក​នៅ​មាន​អភ័យ​ឯកសិទ្ធិ​សភា។

ក្រៅ​ពី​ប្រតិកម្ម​ពី​សហភាព​អឺរ៉ុប អាមេរិក​ក៏​បាន​ចេញ​សេចក្ដី​ថ្លែងការណ៍​ប្រតិកម្ម​នឹង​ការ​ចាប់​ខ្លួន​លោក កឹម សុខា ផង​ដែរ កាល​ពី​ថ្ងៃ​ម្សិល​មិញ​នេះ ដោយ​ថា ការ​ចាប់​ខ្លួន​នេះ​ត្រូវ​បាន​ធ្វើ​ឡើង​ក្រោម​ហេតុ​ផល​នយោបាយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ