ក្រសួងឲ្យបើកប្រាក់ឈ្នួលឲ្យកម្មករនិយោជិតមុនថ្ងៃភ្ជុំបិណ្ឌ

ក្រសួងការងារនិងបណ្តុះបណ្តាលវិជ្ជាជីវៈ​ណែនាំ​ទៅម្ចាស់ និងនាយក​សហគ្រាស គ្រឹះស្ថានទាំងអស់ ឲ្យរៀបចំបើកប្រាក់ឈ្នួលការងារ ដល់កម្មករនិយោជិត មុន​ពេលឈប់សម្រាក៣ថ្ងៃ នាឱកាសបុណ្យភ្ជុំបិណ្ឌខាងមុខនេះ។

សេចក្តីជូនដំណឹងរបស់ក្រសួងការងារ ចុះថ្ងៃទី ០៥ខែកញ្ញា បានឲ្យដឹងថា ម្ចាស់និងនាយកសហគ្រាស គ្រឹះស្ថានទាំងអស់ ត្រូវរៀបចំបើកប្រាក់ឈ្នួលការងារ​ដល់កម្មករនិយោជិក ឲ្យបានមុនថ្ងៃឈប់សម្រាកការងារនាឱកាសបុណ្យភ្ជុំបិណ្ឌ រយះពេល ៣ថ្ងៃគឺចាប់ពីថ្ងៃទី១៩ ដល់ថ្ងៃទី២១ខែកញ្ញាខាងមុខ។

ក្រសួងបញ្ជាក់ថា បើម្ចាស់ និងនាយកសហគ្រាស គ្រឹះស្ថាន គ្មានលទ្ធភាពបើកប្រាក់ឈ្នួលទាន់ពេលទេ គឺអាចអនុញ្ញាតឲ្យកម្មករនិយោជិកទាំងអស់ បានទទួលប្រាក់បុរេប្រទានយ៉ាងតិច ៥០ភាគរយមុនពេលបុណ្យភ្ជុំបិណ្ឌ៕

ម៉ាប់ ស៊ុយ MabSuy168@gmail.com