រដ្ឋមន្ត្រីរបស់អូស្ត្រាលីច្រានចោលករណីថាលោកមានសញ្ជាតិពីរ

រដ្ឋមន្ត្រីរបស់អូស្ត្រាលីមួយរូបបានច្រានចោល​ចំពោះការផ្សព្វផ្សាយថា លោកអាចមានសញ្ញាតិ​ហុងគ្រីមួយទៀត ស្របពេលដែលថ្មីៗនេះ អ្នកនយោបាយជាន់ខ្ពស់ចំនួន​៦រូប​ត្រូវបានបាត់បង់មុខតំណែងដោយសារតែមានសញ្ញតិពីរឬ ច្រើន។​

រដ្ឋមន្ត្រីក្រសួងថាមពល លោក​​​​ Josh Frydenberg ថ្លែងថា លោកមានភាពជឿជាក់ថា លោកមិនមានសញ្ញតិអ្វីផ្សេងទៀតក្រៅពីសញ្ញាតិរបស់អូស្ត្រាលីនោះទេ ​នេះបើតាមសារព័ត៌មាន​BBC។​

លោកថ្លែងថា ប្រព័ន្ធផ្សព្វផ្សាយនៅក្នុងស្រុកដែលចុះផ្សាយពីការត្រួតពិនិត្យលើសញ្ញាតិរបស់លោកនោះគឺជាព័ត៌មានមិនពិតមិនអាចយកជាការបានទេ ព្រោះថា ម្តាយរបស់លោកធ្លាប់ជាជនអន្តោប្រវេសន៍មិនមានប្រទេសទេ។​

តាមការចុះផ្សាយរបស់កាសែនឈ្មោះ The Australian បានសរសេរថា លោក Frydenberg  អាចនឹងមានសញ្ញាតិ​ផ្សេងទៀត ព្រោះនៅក្នុងប្រទេសហុងគ្រី បានកំណត់ផ្តល់សញ្ញាតិដោយស្វ័យប្រវត្តិ​ចំពោះអ្នកដែលកើតនៅក្នុងប្រទេសនោះនៅចន្លោះឆ្នាំ១៩៤១ ដល់១៩៤៥។ ពេលនោះម្តាយរបស់លោកកើតនៅក្នុងជំរុំជនភៀសខ្លួនជ្វិបនៅឆ្នាំ១៩៤៣។​

លោក​Josh Frydenberg ថ្លែងថា លោកគិតថាមិនអាចទទួលបានសញ្ញាតិហុងគ្រី ដោយងាយដោយសារតែម្តាយរបស់លោកនៅពេលនោះមិនមានប្រទេសណាទទួលស្គាល់នោះទេ។​

អ្នកយោបាយរបស់អូស្ត្រាលីចំនួន​៦នាក់ហើយដែលត្រូវបាត់បង់តួនាទីដោយសារតែសញ្ញាតិ​ពីរ​ឬច្រើន។ ក្នុងចំណោមនោះមានលោក Banarby Joyce ជាឧបនាយករដ្ឋមន្ត្រីមានសញ្ញាតិអូស្ត្រាលី និង ប្រធានព្រឹទ្ធសភាមានសញ្ញាតិរបស់អង់គ្លេស។