អ្នកអត្ថាធិប្បាយតាមទូរទស្សន៍អេហ្ស៊ីបជាប់ពន្ធនាគារដោយសារជំរុញឲ្យមានការរួមភេទមុនរៀបការ

ស្ត្រីអ្នកអត្ថាធិប្បាយតាមទូរទស្សន៍ម្នាក់នៅអេហ្ស៊ីបជាប់ពន្ធនាគាររយៈពេល​៣ឆ្នាំ បន្ទាប់ពីនាងរៀបចំការពិភាក្សាមួយ ហើយមានការជំរុញលើកទឹកចិត្តឲ្យមានការរួមភេទ និង អាចមានផ្ទៃពោះឬ មានកូនមុនថ្ងៃរៀបការតាមប្រពៃណី។​

ស្រ្តីរូបនេះឈ្មោះ Doaa Salah ជាអ្នកអត្ថាធិប្បាយនៅទូរទស្សន៍ Al-Nahar TV បានស្នើឲ្យមានការពិចារណាឡើងវិញជុំវិញការរិះគន់ចំពោះការរួមភេទមុនរៀបការឬ នាងស្នើឲ្យមានការរៀបចំ​ពិធីតិចតួចរួចអាចនៅជាមួយគ្នាមានកូនបាន។​

ស្ត្រីរូបនេះ ត្រូវបានតុលាការចោទប្រកាន់​ពីបទអត្ថាធិប្បាយប្រើប្រាស់ពាក្យអសីលធម៌ជាសារណៈ។​ នេះបើតាមសារព័ត៌មានBBC។​

អាជ្ញាធរបានថ្លែងថា ការថ្លែងរបស់ពិធីការិនីរូបនេះ ជាការគំរាមកំហែងដល់ជីវិតរស់នៅរបស់ប្រជាជនអេហ្សីប។ នៅក្នុងសង្គមអេហ្ស៊ីបពួកគេមិនអាចទទួលយកបានទេ ចំពោះការរួមភេទមុនរៀបការ។​

Salah ថ្លែងថា បើអាចបុរសជាប្តីអំណាយលុយខ្លះលើផ្នែកនៃការរស់នៅមុនពេលរៀបការ ប៉ុន្តែនេះជាវប្បធម៌នៅក្នុងប្រទេសអឺរ៉ុប ចំណែកនៅអេហ្ស៊ីបជាប្រទេសមានវប្បធម៌បុរាណនៅក្នុងទ្វីបអាហ្វ្រិក​ពួកគេមិនទទួលយកទេ។