ស្ថាប័នអយ្យការនៃតុលាការព្រហ្មទណ្ឌអន្តរជាតិ(ICC) កំពុងតែបើកការស៊ើបអង្កេតលើករណីឧក្រិដ្ឋកម្មសង្គ្រាមនៅក្នុងប្រទេសអាហ្គានីស្ថាន។
នៅក្នុងសេចក្តីថ្លែងការណ៍របស់ស្ថាប័នអយ្យការនៃតុលាការព្រហ្មទណ្ឌអន្តរជាតិបានបញ្ជាក់ថា ពួកគេជឿជាក់ថា មានឧក្រិដ្ឋកម្មសង្គ្រាម និង ឧក្រិដ្ឋកម្មប្រឆាំងមនុស្សជាតិនៅក្នុងប្រទេសអាហ្គានីស្ថាន។
សកម្មភាពប្រឆាំងពួកក្រុមឧទ្ទាមតាលីបានគឺមានការចួលរួមកម្លាំងគ្នារវាងកងទ័ពសហរដ្ឋអាមេរិក និង កងកម្លាំងរដ្ឋាភិបាលអាហ្គានីស្ថានតាំងពីឆ្នាំ២០០៣ ហើយគេជឿថាមានឧក្រិដ្ឋកម្មជាច្រើនបានកើតឡើង ក្នុងអំឡុងពេលនេះ។
ដំណើរការស៊ើបអង្កេតនេះគឺមានការផ្តោតសំខាន់លើហេតុការណ៍ដែលកើតឡើងកាលពីរយៈពេលជាង១ទសវត្សមុន។ ការស៊ើបអង្កេតផ្តោតលើការវាយប្រហារលើជនស៊ីវិល ការធ្វើទារុណកម្មលើអ្នកជាប់ឃុំ និង ការសម្លាប់មនុស្សក្រៅប្រព័ន្ធច្បាប់។
