មីយ៉ាន់ម៉ាឃាត់ខ្លួនអ្នកសារព័ត៌មានរ៉យទ័រពីរនាក់​

រដ្ឋាភិបាលមីយ៉ាន់ម៉ាបានថ្លែងថា កាលពីថ្ងៃពុធម្សិលមិញ ពួកគេបានឃាត់ខ្លួន អ្នកសារព័ត៌មាន​ពីរនាក់ របស់ទីភ្នាក់ងារព័ត៌មានរ៉យទ័រគឺឈ្មោះ Wa Lone និង Kyaw Soe Oo ដែលបានចោទថា ធ្វើឲ្យប៉ះពាល់ការសម្ងាត់របស់ជាតិពាក់ព័ន្ធការសរសេរអត្ថបទពីជនជាតិភាពតិចរ៉ូហ៊ីងយ៉ា។​

ក្រសួងព័ត៌មានរបស់មីយ៉ាន់ម៉ាបានចេញសេចក្តីប្រកាសព័ត៌មាននៅលើទំព័រហ្វេសប៊ុកថា អ្នកសារព័ត៌មានពីរនាក់ និង នគរបាលពីរនាក់ ប្រឈមនឹងបទចោទថា បំពានការសម្ងាត់របស់ជាតិ នៅក្នុងសម័យអាណានិគមន៍អង់គ្លេស ដែលយោងតាមច្បាប់កាលពីឆ្នាំ១៩២៣ គឺអ្នកទាំងនេះអាចជាប់ពន្ធនាគារចំនួន​១៤ឆ្នាំ។​ នេះបើតាមទីភ្នាក់ងារព័ត៌មានរ៉យទ័រ។​

ក្រសួងព័ត៌មានរបស់មីយ៉ាន់ម៉ាលើកឡើងទៀតថា អ្នកទាំងអស់នេះពាក់ព័ន្ធនឹង ការចែកចាយ និង ផ្សព្វផ្សាយព័ត៌មាន​ខុសច្បាប់។​

អ្នកសារព័ត៌មានទាំងពីររូបនេះ ស្ថិតនៅក្នុងការឃុំខ្លួននៅប៉ុស្តិ៍នគរបាលមួយនៅក្បែរទីក្រុងយ៉ង់ហ្គោន ដើម្បីបន្តចំណាត់ការបន្ត។​

អ្នកព័ត៌មានទាំងពីររូបបានបាត់ខ្លួនកាលពីល្ងាចថ្ងៃអង្គារ ពេលដែលទៅទទួលទៀន អាហារពេលល្ងាចតាមការណាត់របស់មន្ត្រីរដ្ឋាភិបាល៕