អាមេរិកសម្លាប់ក្រុមអ្នកប្រយុទ្ធរបស់រុស្ស៊ីពីរនាក់នៅស៊ីរី

ការវាយប្រហារតាមអាកាសរបស់សហរដ្ឋអាមេរិកនៅភាគខាងជើងនៃប្រទេសស៊ីរីកាលពីសប្តាហ៍មុន បានសម្លាប់ក្រុមអ្នកប្រយុទ្ធរបស់រុស្ស៊ីចំនួន២នាក់។​

ក្រុមអ្នកប្រយុទ្ធទាំងនោះថ្លែងថា ពួកគេត្រូវរុស្ស៊ីបញ្ជូនទៅកាន់តំបន់សង្គ្រាមដើម្បីជួយការពាររដ្ឋាភិបាលស៊ីរីដឹកនាំដោយលោក ប៉ាល់សា អាល់អាសាដ។​ នេះបើតាមសារព័ត៌មាន BBC។​

ទោះយ៉ាងណារដ្ឋាភិបាលរុស្ស៊ីមិនទាន់មានប្រតិកម្មចំពោះការស្លាប់នេះនៅឡើយទេ ប៉ុន្តែប្រព័ន្ធផ្សព្វផ្សាយរបស់សហរដ្ឋអាមេរិកបានចុះផ្សាយពីការស្លាប់នេះ។​

អាមេរិកថ្លែងថា យុទ្ធនាការកាលពីសប្តាហ៍មុនបានសម្លាប់សត្រូវនៅស៊ីរីអស់ជាង១០០នាក់ ហើយក្នុងនោះត្រូវបានរាយការណ៍ថា មានក្រុមប្រយុទ្ធរបស់រដ្ឋាភិបាលរុស្ស៊ី២នាក់។​

មន្ត្រីអាមេរិកថ្លែងថា ក្រុមប្រយុទ្ធជាសម្ព័ន្ធមិត្តរបស់រដ្ឋាភិបាលស៊ីរីរាប់រយនាក់បានបើកការវាយប្រហារលើ ក្រុមប្រដាប់អាវុធជាសម្ព័ន្ធមិត្តអាមេរិកដែលធ្វើចលនាដើម្បីទាមទារឲ្យប្រជាធិបតេយ្យនៅក្បែរទីក្រុង Khursham នៅក្នុងខេត្តDeir al-Zour។​ ពេលនោះសហរដ្ឋអាមេរិកអាមេរិកវាយបកវិញដោយប្រើយន្តហោះ និងកាំភ្លើងធំ៕

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered