រថយន្តរបស់ក្រុមហ៊ុនទូរទស្សន៍ហង្សមាសជួបគ្រោះថ្នាក់ចរាចរណ៍ កាលពីម្សិលមិញនៅក្នុងខេត្តសៀមរាប បណ្តាលឲ្យមានអ្នករបួសចំនួន៤នាក់។
តាមរបាយការណ៍របស់អគ្គស្នងការដ្ឋាននគរបាលជាតិគឺ គ្រោះថ្នាក់នេះដោយសាររថយន្តនោះបែកកង់ខាងក្រោយ ហើយក្រឡាប់ទៅប៉ះម៉ូតូកង់មី និង បុកបាក់បង្គោលភ្លើងមួយដើមផង។
ហេតុការណ៍នេះកើតឡើងកាលពីម៉ោងជាង១០ព្រឹកម្សិលមិញ នៅ បណ្តោយផ្លូវក្រវ៉ាត់ក្រុង ភូមិកសិកម្ម សង្កាត់ស្រង៉ែ ក្រុងសៀមរាប។ ចំណែកអ្នករងរបួស៤នាក់នោះគឺ៣នាក់ជាបុគ្គលិករបស់ក្រុមហ៊ុនហង្សមាស និង ១ម្នាក់ជាម្ចាស់ម៉ូតូកង់បី។
