សមត្ថកិច្ចបានឲ្យដឹងថាមានករណីអគ្គីភ័យមួយកើតឡើង បណ្ដាលឲ្យឆេះព្រៃរបោះអស់ប្រមាណ ៥ ហិចតា តែមិនរាលដាលដល់ផ្ទះរបស់ពលរដ្ឋនោះទេ។
តាមការចុះផ្សាយរបស់អគ្គស្នងការនគរបាលជាតិបានឲ្យដឹងថានៅថ្ងៃទី ០៣ ខែមីនា ឆ្នាំ២០១៨ វេលាម៉ោង ១១និង ១០នាទីម្សិលមិញ មានករណីអគ្គិភ័យ ឆេះព្រៃរបោះ អស់ប្រមាណ ៥ហិចតា ដែលស្ថិតនៅភូមិក្រាំងក្រូច ឃុំទួលព្រេជ ស្រុកអង្គស្នួល ខេត្តកណ្ដាល។
តាមការចុះផ្សាយដដែលបន្តថា មូលហេតុដែលបណ្ដាលឲ្យមានអគ្គីភ័យនេះកើតឡើង ដោយសារ ពលរដ្ឋបានដុតភ្លើង យកឃ្មុំ បណ្ដាលឲ្យឆេះរាលដាល។
តាមការចុះផ្សាយដដែលបានឲ្យដឹងថាកម្លាំងសមត្ថកិច្ច និងពលរដ្ឋបានរួមគ្នាជួយអន្តរាគមន៍ពន្លត់បានទាន់ពេល ទើបមិនបណ្ដាលឲ្យរាលដាលដល់ផ្ទះប្រជាពលរដ្ឋនោះទេ៕
