លោកនាយករដ្ឋមន្ត្រី ហ៊ុន សែន បានប្រកាសនៅថ្ងៃនេះថា គ្មានការចរចាណាមួយជាមួយអតីតបក្សប្រឆាំងនោះឡើយ បន្ទាប់ពីលទ្ធភាពនៃការចរចានយោបាយនៅកម្ពុជា ត្រូវបានបង្ហាញថា អាចកើតមាននៅពេលខាងមុខ ក្រោយពីតំណាងរដ្ឋាភិបាលជប៉ុនបានជួបជជែកជាមួយមេដឹកនាំកម្ពុជាកាលពីចុងសប្ដាហ៍កន្លងមកនេះ។
លោក ហ៊ុន សែន ដែលជាប្រធានគណបក្សប្រជាជនកម្ពុជា ដែលកំពុងគ្រប់គ្រងអំណាចនៅកម្ពុជាផងនោះ បានប្រកាសជំហររបស់លោកបែបនេះ នៅអំឡុងពេលលោកថ្លែងសុន្ទរកថានៅក្នុងពិធីចែកសញ្ញាបត្រដល់និស្សិតនៃសាកលវិទ្យាល័យមួយនៅរាជធានីភ្នំពេញ។
លោក ហ៊ុន សែន បានប្រកាសជំហរបែបនេះ បន្ទាប់ពីអតីតមេដឹកនាំគណបក្សសង្គ្រោះជាតិ លោក សម រង្ស៊ី បានលើកឡើងពីលទ្ធភាពនៃការចរចានយោបាយនៅកម្ពុជា និងក្រោយពីតំណាងរដ្ឋាភិបាលជប៉ុនបានធ្វើដំណើរមកជជែកជាមួយលោកនាយករដ្ឋមន្ត្រីកម្ពុជារូបនេះ កាលពីចុងសប្ដាហ៍កន្លងមកនេះ។
