អគ្គនាយកដ្ឋានពន្ធដារ ព្រមានដាក់ទណ្ឌកម្មលើម្ចាស់សហគ្រាស និងអាជីកម្មដ្ឋាន ដែលមិនទាន់បានប្រកាសបង់ពន្ធតែមប្រិ៍សារពើពន្ធឆ្នាំ២០១៨ ដែលនឹងត្រូវផុតកំណត់ត្រឹមថ្ងៃទី៣០ ខែមិថុនាខាងមុខនេះ។
ក្នុងលិខិតជូនដំណឹងរបស់ខ្លួនកាលពីថ្ងៃទី២៧ ខែមីនានេះ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានរៀបរាប់ថា ការប្រកាសលើការបង់ពន្ធតែមប្រិ៍យសារពើពន្ធ ឆ្នាំ២០១៨ នឹងត្រូវបានបញ្ចប់ត្រឹមថ្ងៃទី៣១ ខែមីនា ជារៀងរាល់ឆ្នាំ។
ប៉ុន្តែ នៅឆ្នាំនេះ អគ្គនាយកដ្ឋានពន្ធដារបានសម្រេចពន្យាការប្រកាសពន្ធតែមប្រិ៍សារពើពន្ធសម្រាប់ឆ្នាំ២០១៨ រហូតដល់ថ្ងៃទី៣០ ខែមិថុនា ឆ្នាំ២០១៨ ដោយថា ដើម្បីបង្កលក្ខណៈងាយស្រួលដល់ម្ចាស់សហគ្រាស និងម្ចាស់អាជីវកម្មដ្ឋានមួយចំនួន ដែលមិនទាន់បានទៅបង់ពន្ធ មានពេលវេលាគ្រប់គ្រាន់ក្នុងការប្រកាសពន្ធ។
លិខិតដដែលបានព្រមានដាក់ទណ្ឌកម្មទៅតាមច្បាប់ស្តីពីពន្ធដារ ទៅលើម្ចាស់សហគ្រាស ម្ចាស់អាជីវកម្មដ្ឋានទាំងអស់ ដែលបានលើកស្លាកអាជីវកម្មដ្ឋាន ប័ណ្ណប្រកាសផ្សាយពាណិជ្ជកម្ម និងផ្ទាំងអក្សរ ឬផ្ទាំងរូបភាពសម្រាប់គោលបំណងពាណិជ្ជកម្ម ដែលមិនទៅប្រកាសបង់ពន្ធតែមប្រិ៍សារពើពន្ធតាមពេលវេលាកំណត់៕
