នគរបាលឲ្យដឹងថា ផ្ទះរបស់ប្រជាពលរដ្ឋចំនួន ៨១ខ្នង នៅស្រុកចំនួន ៣ និងក្រុង ២ ក្នុងខេត្តបន្ទាយមានជ័យបានដួលរលំ ដោយសារ ខ្យល់កន្ត្រាក់អំឡុងពេលភ្លៀងកក់ខែកាលពីថ្ងៃទី១៥ ខែមេសា កន្លងមក។
ស្នងការនគរបាលខេត្តបន្ទាយមានជ័យលោក អាត់ ខែម ប្រាប់វីអូឌីនៅថ្ងៃនេះថា ស្រុកដែលទទួលរងប៉ះពាល់ដោយសារ ភ្លៀងនិងខ្យល់កន្ត្រាក់នោះរួមមាន ស្រុកម៉ាឡៃ ស្រុកមង្គលបូរី ស្រុកអូរជ្រៅ ក្រុងប៉ោយប៉ែត និងក្រុងសេរីសោភ័ណ្ឌ។
ក្រសួងធនធានទឹក ឲ្យដឹងថា ចាប់ពីថ្ងៃទី១៥ ដល់ថ្ងៃទី២២ ខែមេសា ឆ្នាំ២០១៨ កម្ពុជានឹងទទួលរងឥទ្ធិពលរបស់សម្ពាធទាប នឹងបង្កឱ្យមានភ្លៀងធ្លាក់ពីមធ្យមទៅច្រើនស្ទើរទូទាំងប្រទេស។ ក្រសួងអំពាវនាវដល់ប្រជាពលរដ្ឋ ឲ្យប្រុងប្រយ័ត្នឲ្យប្រុងប្រយ័ត្នចំពោះបាតុភូត ភ្លៀងធ្លាក់ ផ្គរ រន្ទះ និងខ្យល់កន្ត្រាក់៕
