យ៉ាងហោចណាស់ប្រជាពលរដ្ឋឥណ្ឌាចំនួន៩នាក់បានស្លាប់និងជាច្រើននាក់ទៀតរងរបួសធ្ងន់ក្នុងហេតុការណ៍ហិង្សាមួយពេលសមត្ថកិច្ចបង្ក្រាបសកម្មភាពតវ៉ារបស់ប្រជាពលរដ្ឋ។
តាមការចុះ ផ្សាយរបស់BBC បានឲ្យដឹងថា កាលពីម្សិលមិញប្រជាពលរដ្ឋប្រមាណ៣០០០នាក់ បានប្រមូលផ្តុំតវ៉ានៅក្នុងរដ្ឋTamil Nadu ប្រឆាំងសកម្មភាពក្រុមហ៊ុននៅទីនោះដែលថា បានធ្វើឲ្យប៉ះពាល់ដល់បរិស្ថាន ធ្វើឲ្យខូចសុខភាពរបស់ពួកគាត់។
នគរបាលបានថ្លែងថា ចំនួនអ្នកតវ៉ាច្រើនហើយបានធ្វើដំណើរទៅកាន់ការិយាល័យរបស់រដ្ឋាភិបាល និងបានចោលដុំថ្ម លើសមត្ថកិច្ចនិងអគាររបស់រដ្ឋ។ ក្នុងហេតុការណ៍នេះរថយន្តមួយចំនួនត្រូវបានដុតបំផ្លាញ។
អភិបាលរដ្ឋនេះថ្លែងថា ពួកគេមិនមានជម្រើសអ្វីផ្សេងក្រៅពីការបាញ់បង្ក្រាប ដើម្បីបញ្ឈប់អំពើហិង្សាកុំឲ្យរាលដាលបន្តទៀត។
