អន្តរជាតិ

លោក ត្រាំ និងលោក គីម ចាប់ផ្ដើមជួបគ្នាក្នុងជំនួបជាប្រវត្តិសាស្ត្រនៅសិង្ហបុរី

លោក ឌិត សុខធី
| ១២ មិថុនា ២០១៨
ម៉ោង ១០:២២

ប្រធានាធិបតីអាមេរិកលោក ដូណាល់ ត្រាំ ចាប់ដៃជាមួយមេដឹកនាំកូរ៉េខាងជើងលោក គីម ជុងអ៊ុននៅឯសណ្ឋាគារ Capella នៅលើកោះ Sentosa ប្រទេសសិង្ហបុរីនៅថ្ងៃទី 12 ខែមិថុនាឆ្នាំ 2018 (រូបភាព៖ Reuters)

ដូចការគ្រោងទុកមែន ទីបំផុតទៅមេដឹកនាំអាមេរិក និងកូរ៉េខាងជើង បានចាប់ដៃគ្នា និងជួបជជែកទល់មុខគ្នាជាលើកដំបូងរបស់ពួកគេនៅប្រទេសសិង្ហបុរី នៅព្រឹកថ្ងៃនេះ។ នេះបើតាមការផ្សាយរបស់ទូរទស្សន៍អាមេរិក CNN និងទូរទស្សន៍សិង្ហបុរី Channel News Asia។

ទូរទស្សន៍ទាំងពីរនេះ បានផ្តិតយកទិដ្ឋភាពនៃការចាប់ដៃគ្នារបស់ប្រធានាធិបតីអាមេរិក លោក ដូណាល់ ត្រាំ និងមេដឹកនាំកូរ៉េខាងជើង លោក គីម ជុងអ៊ុន នៅចំពោះមុខក្រុមអ្នកសារព័ត៌មានពិភពលោក ខណៈដែលមេដឹកនាំទាំងពីររូបនេះ ជួបជជែកគ្នាដើម្បីបញ្ចប់ជម្លោះរាប់ទសវត្សរ៍នៅលើឧបទ្វីបកូរ៉េ។

បើតាមការផ្សាយរបស់ Channel News Asia មេដឹកនាំទាំងពីរបានជួបចាប់ដៃគ្នានៅម៉ោង ៩ និង ៥នាទីព្រឹកនេះ នៅឯសណ្ឋាគារ Capella ស្ថិតនៅតំបន់ Sentosa និងអមទៅដោយទង់ជាតិនៃប្រទេសទាំងពីរផងដែរ។

រូបភាពនៅលើទូរទស្សន៍ CNN សុទ្ធតែបង្ហាញលោក ត្រាំ និងលោក គីម បញ្ចេញទឹកមុខញញឹមញញែម និងអារម្មណ៍រីករាយជាមួយគ្នា។

ជំនួបនៃមេដឹកនាំទាំងពីរនេះ បានកើតឡើងក្រោមការរឹតបន្តឹងសន្តិសុខយ៉ាងតឹងតែងនៅបរិវេណនៃសណ្ឋាគារស្ថិតនៅក្នុងតំបន់ Sentosa៕

ប្រធានាធិបតីអាមេរិកលោក ដូណាល់ ត្រាំ អង្គុយនៅក្បែរមេដឹកនាំកូរ៉េខាងជើងលោក គីម ជុងអ៊ុន មុនកិច្ចប្រជុំទ្វេភាគីរបស់ពួកគេនៅឯសណ្ឋាគារ Capella នៅលើកោះ Sentosa ប្រទេសសិង្ហបុរីនៅថ្ងៃទី 12 ខែមិថុនាឆ្នាំ 2018 (រូបភាព៖ Reuters)

កូរ៉េខាងជើង, គីម ជុងអ៊ុន, ដូណាល់ ត្រាំ, នុយក្លេអ៊ែរ, សិង្ហបុរី, អាមេរិក

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។