ក្រសួងការងារនឹងបញ្ចប់យុទ្ធនាការផ្ដល់ភាពស្របច្បាប់ដល់ពលករខ្មែរដែលទៅធ្វើការនៅប្រទេសថៃនៅដើមខែក្រោយនេះ។
សេចក្តីជូនដំណឹងចុះថ្ងៃទី១៨ មិថុនា របស់គណកម្មការផ្តល់ភាពស្របច្បាប់ដល់ពលករកម្ពុជា ដែលកំពុងស្នាក់នៅ និងធ្វើការនៅប្រទេសថៃ ឲ្យដឹងថាកម្ពុជានិងថៃ កំពុងសហការគ្នាផ្ដល់ភាពស្របច្បាប់ដល់ពលករកម្មខ្មែរដែលធ្វើការនៅប្រទេសថៃឲ្យបានរួចរាល់ចាប់ពីថ្ងៃទី១ ខែ កក្កដាតទៅ។
យោងតាមសេចក្តីជូនដំណឹងដដែល ប្រទេសទាំងពីរបានផ្ដល់ភាពស្របច្បាប់ដល់ពលករកម្ពុជាដែលកំពុងធ្វើការនៅប្រទេសថៃបានចំនួន១លាន៧ម៉ឺននាក់ ហើយនៅសល់ពលករតែជាង១ម៉ឺននាក់ទៀតប៉ុណ្ណោះដែលមិនទាន់បានផ្តល់ភាពស្របច្បាប់ ។
យុទ្ធនាការផ្តល់ភាពស្របច្បាប់ដល់ពលករខ្មែរនេះត្រូវបានបង្កើតឡើងកាលពីខែកក្កដាឆ្នាំមុន បន្ទាប់ពីរដ្ឋាភិបាលយោធាថៃ ចាប់បញ្ជូនពលករខ្មែរដែលទៅធ្វើការខុសច្បាប់យ៉ាងច្រើនគំហុកឲ្យត្រលប់មកកម្ពុជាវិញ៕
