អន្តរជាតិ

មនុស្សជាង៣០នាក់ស្លាប់ក្នុងហេតុកាណ៍បំផ្ទុះគ្រាប់បែបអត្តឃាតនៅប៉ាគីស្ថាន

ដោយ វីអូឌី
| ២៦ កក្កដា ២០១៨
ម៉ោង ១៣:៤៣

ហេតុការណ៍គ្រាប់បែកអត្តឃាតទៅលើស្ថានីយ៍ប៉ូលីសដែលការពារក្បែរការិយាល័យបោះឆ្នោតមួយកន្លែងនាទីក្រុងគ្វឺតាភាគពាយព្យប្រទេសប៉ាគីស្ថាន ថ្ងៃទី ២៥ កក្កដា ២០១៨ (រូបភាព៖ aljazeera.com)

មនុស្ស៣១នាក់ស្លាប់ និង៤០រងរបួស ក្នុងហេតុការណ៍គ្រាប់បែកអត្តឃាតទៅលើស្ថានីយ៍ប៉ូលីសដែលការពារក្បែរការិយាល័យបោះឆ្នោតមួយកន្លែងនាទីក្រុងគ្វឺតាភាគពាយព្យប្រទេសប៉ាគីស្ថានកាលពីម្សិលមិញ។

សារព័ត៌មាន BBC របស់អង់គ្លេសចេញផ្សាយនៅថ្ងៃនេះបានអោយដឹងថា ពួកក្រុមឧទ្ទាម ISIS បានចេញមុខអះអាងនៅលើគេហទំព័រពត៌មានរបស់ខ្លួនថាពួកគេជានៅពីក្រោយខ្នងរឿងនេះ។

យោងតាមសារព័ត៌ BBC ដដែល ប៉ូលិសនិងកងកម្លាំងយោធាប៉ាគីស្ថានប្រមាណ៨ម៉ឺននាក់ត្រូវបានគេដាក់ពង្រាយនៅតាមការិយាល័យបោះឆ្នោតទាំង ៨៥០០០កន្លែងនៅទូទាំងប្រទេស ក្នុងគោលបំណងដើម្បីធានាសុវត្ថិភាពការបោះឆ្នោត។

នេះមិនមែនជាហេតុការណ៍បំផ្ទុះគ្រាប់បែកអត្តឃាតជាលើកទី១ទេ។ បើតាមការចុះផ្សាយរបស់សារព័ត៌មាន Al Jazeera ក្នុងកំឡុងពេលឃោសនាបោះឆ្នោតប៉ុន្មានសប្តាហ៍នេះ ជនជាតិប៉ាគីស្ថានជិត២០០នាក់បានស្លាប់ក្នុងការវាយប្រហារនានាដោយក្រុមភេវរក។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។