លោក Imran Khan អតីតកីឡាករ Cricket ដ៏ល្បីល្បាញម្នាក់ បានប្រកាសម្សិលមិញនេះថា គណបក្សលោកបានឈ្នះក្នុងការបោះឆ្នោតជាតិ ទាំងដែលសន្លឹកឆ្នោតកំពុងតែរាប់ ខណៈពេលការបោះឆ្នោតពោរពេញទៅដោយអំពើហិង្សា និងការចោតប្រកាន់ថាលួចបន្លំ។
យោងទៅតាមសារព័ត៌មាន BBCចុះផ្សាយល្ងាចមិញបានសរសេរថា មកដល់ពេលនេះសន្លឹកឆ្នោតនៅមិនទាន់រាប់អស់នៅឡើយទេ ប៉ុន្តែលទ្ធផលជាបឋមបានឲ្យដឹងថា គណបក្ស PDI របស់លោក Imran Khan កំពុងនាំមុខបក្សដ៏ទៃទៀត។
សារព័ត៌មាន BBCដដែលចុះផ្សាយថា នៅក្នុងការរាប់សន្លឹកចុងក្រោយរបស់គណៈកម្មាធិការបោះឆ្នោតរបស់ប៉ាគីស្ថាន គណបក្សរបស់លោក Imran ឈ្នះបាន១១៩កៅអីក្នុងចំណោមកៅអីធំៗចំនួន២៧២។
លោក Shahbaz Sharif មេដឹកនាំរបស់បក្សប៉ាឡេស្ទីនមូស្លឹមលីកនី (PML-N) និងជាប្អូនប្រុសរបស់អតីតនាយករដ្ឋមន្ត្រី Nawaz Sharif បានសរសេរចោទប្រកាន់ទៅលើលោក Imran ករណីដែលមានការជ្រៀតជ្រែកខាងយោធានៅក្នុងការបោះឆ្នោតទូទៅ នៅលើគេហទំព័រធ្វីតធ័របស់លោក។
លោក Shahbaz បានបន្ថែមថា៖«យើងនឹងប្រើប្រាស់ជម្រើសនយោបាយនិងផ្លូវច្បាប់ទាំងអស់សម្រាប់ការដោះស្រាយបញ្ហាទាំងនេះ» ។
ចំណែកឯគណបក្សផ្សេងៗទៀតក៏បានប្រកាសមិនទទួលស្គាល់លទ្ធផលបោះឆ្នោតនេះផងដែរ។
រដ្ឋសភាជាតិរបស់ប៉ាគីស្ថានមានសមាជិកសរុប ៣៤២នាក់ក្នុងនោះ ២៧២ត្រូវបានជ្រើសតាំងដោយការបោះឆ្នោត ៧០កោអីទៀតសម្រាប់ស្រ្តីនិងជនជាតិភាគតិចសាសនា។
គួរបញ្ជាក់ដែរថា មានអំពើហិង្សាគ្រប់ទីកន្លែងបានកើតឡើង ទាំងក្នុងកំឡុងពេលឃោសនាបោះឆ្នោត និងថ្ងៃបោះឆ្នោតផ្ទាល់។ ជាក់ស្តែងនៅថ្ងៃបោះឆ្នោត ពីរថ្ងៃមុននេះ មានការបំផ្ទុះគ្រាប់បែកអត្តឃាតមួយដែលធ្វើឲ្យមនុស្សស្លាប់៣១នាក់ និងរបួសជាង៣០នាក់ផងដែរ។
