លោកនាយករដ្ឋមន្រ្តី ហ៊ុន សែន បានណែនាំទៅមន្រ្តីរបស់លោកឲ្យដោះស្រាយប្រាក់ខែឲ្យកម្មររោងចក្រមួយនៅខណ្ឌពោធិសែនជ័យ ដែលម្ចាស់បានចងកសម្លាប់ខ្លួនកាលពីចុងខែកក្កដា។
ក្នុងពិធីជួបសំណេះសំណាលជាមួយកម្មករនៅខេត្តកំពង់ស្ពឺកាលពីម្សិលមិញលោក ហ៊ុន សែន បានប្រាប់ឲ្យក្រុមការងាររបស់លោកប្រញាប់ដោះស្រាយបញ្ចប់សំណងប្រាក់ឈ្នួលរបស់កម្មករដែលថៅកែជំពាក់ឲ្យបានឆាប់។ លោកថារដ្ឋាភិបាលជាអ្នកចេញជំនួសសិន ទើបដោះស្រាយជាមួយភរិយាម្ចាស់រោងចក្រនៅពេលក្រោយ។
រោងចក្រ ជូលី អឹភើរឹល (JULEE APPREL) មានកម្មករសរុប២៧០នាក់ និងមានថៅកែជាជនជាតិកូរ៉េខាងត្បូងបានចង់កសម្លាប់ខ្លួនក្រោយថ្ងៃបោះឆ្នោត ហើយថៅកែរោងចក្រនេះជំពាក់ប្រាក់ឈ្នួលកម្មករម្នាក់ចម្លោះពី២៥០ដុល្លារទៅ៣០០ដុល្លារ៕
