អូស្ត្រាលី​បណ្តេញនាយករដ្ឋមន្ត្រីចេញពីតំណែង

គណបក្សកាន់អំណាចអូស្ត្រាលី បានសម្រេចបណ្តេញនាយករដ្ឋមន្ត្រី Malcolm Turnbull  ចេញពីតំណែង ហើយជ្រើសរើសអ្នកថ្មីកាន់តំណែងនេះ ជំនួសវិញបន្ទាប់ពីរងការចោទថា លោកមានកំហុសនិងមិនមានសមត្ថភាពក្នុងការដឹកនាំ។

សារព័ត៌មានBBC ចុះផ្សាយនៅថ្ងៃនេះថា ការបោះឆ្នោតផ្ទៃក្នុង សម្រេចដកលោក Malcolm Turnbull   ចេញពីតំណែង ហើយតែងតាំងលោក Scott Morrison ជំនួសវិញ។​

លោក Malcolm Turnbull    ជាប់ឆ្នោតជា នាយករដ្ឋមន្ត្រីអូស្ត្រាលី កាលពីឆ្នាំ២០១៥ តាមរយៈគណបក្សសេរីនិយម។​ លោក ក៏ធ្លាប់ដឹកនាំគណបក្សប្រឆាំងកាលពីឆ្នាំ២០០៨ ដល់២០០៩។​