យុវជនមួយក្រុម នឹងរៀបចំពិព័រណ៍ឧត្តមសិក្សាសម្រាប់សិស្សដែលទើបបញ្ចប់ថ្នាក់ទី១២នៅផ្សារទំនើបមួយក្នុងរាជធានីភ្នំពេញ។
តំណាងយុវជននិងជាអ្នករៀបចំព័រណ៍នេះ កញ្ញា ហៀម ចិត្រា បានឲ្យដឹងថា«កម្មវិធីពិព័រណ៍ឧត្តមសិក្សា» នឹងត្រូវរៀបចំឡើងនៅឯផ្សារទំនើបអ៊ីអនសែនសុខជាន់ទី៣ ចាប់ពីថ្ងៃទី២៩ និង៣០ ខែកញ្ញា ឆ្នាំ២០១៨។ តាមកញ្ញា ហៀម ចិត្រា គ្រឹះស្ថានឧត្តមសិក្សាជិត២០នឹងចូលរួមក្នុងពិព័រណ៍នេះ ដែលផ្ដល់ឱកាសឲ្យសិស្សដែលទើបបញ្ចប់ថ្នាក់ទី១២អាចសាកសួរទាក់ទងនឹងមុខវិជ្ជាសិក្សានៅតាមគ្រឹះស្ថានទាំងនោះផងដែរ។ តាមប្រភពដដែល សិស្សដែលទើបបញ្ចប់ថ្នាក់ទី១២ទាំងនោះ ក៏នឹងទទួលបាននូវការចែករំលែកបទពិសោន៍ពីសំណាក់វាគ្មិនចំនួន ២០រូបដែលនឹងធ្វើបទបង្ហាញពាក់ព័ន្ធទៅនឹងការប្រឡងយកអាហារូបករណ៍ទៀតផង។
តាមលទ្ធផលផ្លូវការរបស់ក្រសួងអបរំ សិស្សានុសិស្សចំនួន ៧៦ ០៣៤នាក់ បានប្រឡងជាប់សញ្ញាបត្រមធ្យមសិក្សាទុតិយភូមិនៅឆ្នាំនេះ៕
