កម្មករ-កម្មការិនីចំនួន១៥នាក់រងរបួសធ្ងន់និងស្រាល ក្នុងហេតុការណ៍រថយន្តចំនួនពីរគ្រឿងបុកគ្នាកាលពីល្ងាចថ្ងៃអង្គារម្សិលមិញ នៅក្នុងស្រុក កំពង់ត្រឡាច ខេត្តកំពង់ឆ្នាំង។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា កាលម៉ោង៦និង៣០នាទីល្ងាចថ្ងៃអង្គារម្សិលមិញ រថយន្តដឹកកម្មករបានបុកជាមួយរថយន្តសណ្តោងរ៉ឺម៉កមួយគ្រឿងនៅលើផ្លូវជាតិលេខ៥ ចន្លោះបង្គោលគីឡូម៉ែត្រលេខ៦៥-៦៦ ស្ថិតនៅភូមិក្បាលថ្នល់ ឃុំសែប ស្រុកកំពង់ត្រឡាច។
ប្រភពដដែលឲ្យដឹងថា ក្រោយកើតហេតុអ្នកបើករថយន្តសណ្តោងរ៉ឺម៉កបានគេចខ្លួន ចំណែករថយន្តទាំងពីរត្រូវបញ្ជូនទៅរក្សាទុកនៅអធិការដ្ឋាននគរបាលស្រុកកំពង់ត្រឡាច។
