ស្នងការនគរបាលខេត្តព្រះសីហនុលើកឡើងពីបញ្ហាគ្រឿងញៀន និងការជួញដូរផ្លូវភេទជា បញ្ហាត្រូវដោះស្រាយក្នុងចំណោមបញ្ហាផ្សេងៗទៀតដែលអាជ្ញាធរខេត្តនេះរកឃើញ។
ស្នងការនគរបាលខេត្តព្រះសីហនុ លោក ជួន ណារិន្ទ បានឡើងរាយការណ៍ អំពីសភាពការណ៍ សន្តិសុខ សណ្តាប់ធ្នាប់សាធារណៈក្នុងរយៈពេល៣ខែថា ហាងម៉ាស្សាខ្លះ មានបង្កប់សេវាកម្មផ្លូវភេទ ក្លឹបកម្សាន្ត ខ្លះមានបើកស្លត់ម៉ាស៊ីន(ហ្គេម) ហាងខារ៉ាអូខេខ្លះទៀតលួចលាក់ប្រើប្រាស់ថ្នាំញៀន។
លោកក៏បានលើកឡើងបញ្ហាមួយចំនួនទៀតដូចជា បញ្ហាសណ្តាប់ធ្នាប់ចរាចរណ៍ ការកកស្ទះ កំណើននៃការប្រើប្រាស់យានយន្ត ផ្លូវចង្អៀត ជនជាតិបរទេសបើកលឿនៗ មិនគោរពច្បាប់ចរាចរណ៍ និងបញ្ហាជនជាតិចិននិយាយឡូឡាពេលយប់ ។ នេះបើតាមអគ្គស្នងការ ដ្ឋាននគរបាលជាតិកាលពីម្សិលមិញ។
លោកជូន ណារិន្ទ មិនបានបង្ហាញពីចំនួនអ្នកត្រូវឃាត់ខ្លួន ឬលទ្ធផលផ្សេងៗនៃការដោះ ស្រាយបញ្ហាទាំងនេះទេ។
ស្នងការដ្ឋាននគរបាលខេត្តព្រះសីហនុ បានឃាត់ខ្លួនជនជាតិចិនប្រុសស្រី៤នាក់ ពីបទផ្សព្វផ្សាយខិតបណ្ណរូបភាពអាសអាភាស កាលពីថ្ងៃទី២៤ ខែសីហា ឆ្នាំ២០១៨ ។
