ការអប់រំ, ព័ត៌មានទាន់ហេតុការណ៌

ពលរដ្ឋជាង១ម៉ឺន៦ពាន់នាក់ រួចផុតពីភាពមិនចេះអក្សរក្នុងឆ្នាំ២០១៨

លោក ហ៊ុន សិរីវឌ្ឍន៍
| ០១ កុម្ភៈ ២០១៩
ម៉ោង ១០:៥១

លោក ហូយ លានហ័ន ប្រធានកម្មវិធីទំនាក់ទំនងសហគមន៍នៃអង្គការមូលនិធិកុមារកម្ពុជា កំពុងបណ្ដុះបណ្ដាលថ្នាក់អក្ខរកម្មដល់ប្រជាសហគមន៍។ រូបភាព៖ អង្គការមូលនិធិសង្គ្រោះកុមារកម្ពុជា

ក្រសួងអប់រំឲ្យដឹងថា ក្នុងឆ្នាំ២០១៨កន្លងទៅក្រសួង និងដៃគូអភិវឌ្ឍន៍បានបណ្ដុះបណ្ដាលពលរដ្ឋជាង១ម៉ឺន៦ពាន់នាក់ ឲ្យរួចផុតពីភាពមិនចេះអក្សរ។

អ្នកនាំពាក្យក្រសួងអប់រំលោក ឌី ខាំបូលី បានឲ្យ VOD ដឹងថា ក្នុងឆ្នាំ២០១៨កន្លងទៅ កម្មវិធីអក្ខរកម្មជាតិទូទាំងប្រទេស បានជួយពលរដ្ឋកម្ពុជាជាង១ម៉ឺន៦ពាន់នាក់(១៦ ៨៥០នាក់) បានឆ្លងផុតពីភាពមិនចេះអក្សរ ក្នុងនោះស្ត្រីជាង១ម៉ឺននាក់(១១ ៨៥០នាក់)។ ប្រភពដដែលឲ្យដឹងបន្ថែមថា កម្មវិធីនេះ បានចំណាយថវិការដ្ឋអស់ប្រមាណ ១ពាន់៦រយលានរៀល ឬជាង៤១ម៉ឺនដុល្លារអាមេរិក។

របាយការណ៍ក្រសួងអប់រំក្នុងឆ្នាំ២០១៧ កម្ពុជានៅមានអនក្ខរជនអាយុពី១៥ ដល់៤៥ឆ្នាំដែលនៅសេសសល់ជាង១លាន៦សែននាក់ទៀត ក្នុងនោះស្ត្រីមានចំនួនជិត៨៦ម៉ឺននាក់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។