ក្រសួងធនធានទឹក និងឧតុនិយម ជូនដំណឹងថា ចាប់ពីថ្ងៃពុធនេះទៅ ខេត្តជាប់តំបន់ភ្នំ និងខេត្តមួយចំនួនទៀត សីតុណ្ហភាពនឹងឡើងកម្តៅ ពី១ទៅ២អង្សាសេ ដោយសារតែឥទ្ធិពលខ្យល់មូសុងឦសាន ។
សេចក្តីជូនដំណឹងចុះថ្ងៃទី៦ ខែកុម្ភៈនេះ ក្រសួងឲ្យដឹងថា ខេត្តមណ្ឌលគិរី និងខេត្តរតនគិរី សីតុណ្ហភាពអប្បបរមាឡើងពី២០ ទៅ២៦អង្សាសេ ។ អតិបរមាឡើងពី៣០ ទៅ៣២អង្សាសេ។
ក្រសួងឲ្យដឹងទៀតថា ចំណែករាជធានី-ខេត្តមួយចំនួនទៀត សីតុណ្ហភាពអប្បបរមាឡើងពី២៥ ទៅ២៦អង្សាសេ អតិបរមាមានពី៣៣ ទៅ៣៥អង្សាសេ។
ក្រសួងបញ្ជាក់ថា សីតុណ្ហភាពបែបនេះ ដោយសារកម្ពុជាកំពុងរងឥទ្ធិពលខ្យល់មូសុងឦសានខ្សោយ និងនៅលើផ្ទៃដីគ្របដណ្តប់ ដោយកម្រិតសម្ពាធទាប។
