អ្នករាយការណ៍ពិសេសអង្គការសហប្រជាជាតិទទួលបន្ទុកកិច្ចការសិទ្ធិមនុស្ស លោកស្រី រ៉ូណា ស្មីត នឹងមកបំពេញទស្សនកិច្ចនៅកម្ពុជាជាថ្មីម្ដងទៀតនាចុងខែមេសាខាងមុខនេះ។
លោកស្រី រ៉ូណា ស្មីត ប្រាប់ VOD តាមរយៈសារអេឡិចត្រូនិចនៅថ្ងៃនេះថា លោកស្រីនឹងមកបំពេញទស្សនកិច្ចជាទៀងទាត់របស់លោកស្រីមកកាន់ប្រទេសកម្ពុជាសម្រាប់រយៈពេល ១១ថ្ងៃ គឺចាប់ពីថ្ងៃទី២៩ខែមេសា រហូតដល់ថ្ងៃទី ៩ឧសភា ឆ្នាំ២០១៩។
លោកស្រី រ៉ូណា ស្មីត មានប្រសាសន៍ថា បេសកកម្មរបស់លោកស្រីគឺដើម្បីឃ្លាំមើលបញ្ហាសិទ្ធិមនុស្សនៅកម្ពុជា និងប្រមែប្រមូលព័ត៌មានសម្រាប់ធ្វើរបាយការណ៍ដាក់ជូនទៅក្រុមប្រឹក្សាសិទ្ធិមនុស្សនាខែកញ្ញាខាងមុខ។ លោកស្រីក៏គ្រោងចោទសួរមន្ដ្រីរដ្ឋាភិបាលពាក់ព័ន្ធនឹងបញ្ហាសិទ្ធិមនុស្សមួយចំនួន។
