រដ្ឋាករទឹកស្វយ័តក្រុងភ្នំពេញប្រកាសពីផលចំណេញសុទ្ធរបស់ខ្លួនក្នុងឆ្នាំ២០១៨ ដែលមានតម្លៃប្រមាណជាង១៩លានដុល្លារអាមេរិក ឬកើនឡើងដល់ទៅ១៣៤ភាគរយឯណោះ បើធៀបនឹងផលចំណេញនៅក្នុងឆ្នាំ២០១៧។
ក្នុងរបាយការណ៍ប្រចាំត្រីមាសទី៤ ឆ្នាំ២០១៨ រដ្ឋាករទឹកស្វយ័តក្រុងភ្នំពេញ បានឲ្យដឹងថា ពេញមួយឆ្នាំ២០១៨ ខ្លួនទទួលបានចំណូលសរុបប្រមាណ៦៦លានដុល្លារអាមេរិក ក្នុងនោះទទួលបានផលចំណេញសុទ្ធសរុប១៩លានដុល្លារ កើនឡើងជាង៤លានដុល្លារពីប្រាក់ចំណេញឆ្នាំ២០១៧។
ក្នុងឆ្នំា២០១៧ រដ្ឋាករទឹកស្វយ័តក្រុងភ្នំពេញទទួលចំណូលសរុបប្រមាណ៥៨លានដុល្លារ កើនជាង១៧ភាគរយ ខណៈប្រាក់ចំណេញបានថយចុះជិតប្រមាណ៣២% (ថយជិត៤០ម៉ឺនដុល្លារ) បើធៀបនឹងឆ្នាំ២០១៦៕
