ទំនាក់ទំនងអន្តរជាតិ, ព័ត៌មានទាន់ហេតុការណ៌

មន្ត្រីទូតថៃតស៊ូក្ដីជាមួយកម្ពុជាលើជម្លោះប្រាសាទព្រះវិហារទទួលមរណភាព

ទំនាក់ទំនងអន្តរជាតិ ព័ត៌មានទាន់ហេតុការណ៌-

លោក ឌិត សុខធី
| ១៧ មីនា ២០១៩
ម៉ោង ១៨:០៤

អគ្គរាជទូតថៃប្រចាំសហរដ្ឋអាមេរិក លោក វីរៈឆ័យ ផ្លាសៃ ជាអ្នកដឹកនាំការតតាំងក្ដីតទល់នឹងកម្ពុជាក្នុងជម្លោះប្រាសាទព្រះវិហារ។

មន្ត្រីការទូតជាន់ខ្ពស់ថៃមួយរូប លោក វីរៈឆ័យ ផ្លាសៃ (Virachai Plasai) ដែលបានដឹកនាំតស៊ូក្ដីលើជម្លោះប្រាសាទព្រះវិហារជាមួយកម្ពុជានោះ បានបាត់បង់ជីវិតហើយ។ នេះបើតាមការចុះផ្សាយរបស់សារព័ត៌មាន បាងកក ប៉ុស្តិ៍។

សារព័ត៌មានថៃមួយនេះ ដែលបានដកស្រង់សេចក្ដីប្រកាសព័ត៌មានរបស់ក្រសួងការបរទេសថៃនោះ បានចុះផ្សាយបន្តថា អ្នកការទូតជើងចាស់រូបនេះ បានស្លាប់នៅឯមន្ទីរពេទ្យ John Hopkin នៅសហរដ្ឋអាមេរិក កាលពីថ្ងៃម្សិលមិញនេះ។

លោក វីរៈឆ័យ ត្រូវបានរដ្ឋាភិបាលយោធាថៃសព្វថ្ងៃ តែងតាំងជាអគ្គរាជទូតថៃប្រចាំនៅសហរដ្ឋអាមេរិកកាលពីខែមិថុនាឆ្នាំមុន។

មុននឹងកាន់តំណែងនេះ លោក វីរៈឆ័យ គឺជាអតីតអគ្គរាជទូតថៃប្រចាំនៅប្រទេសហូឡង់ ជាទីដែលលោកបានដឹកនាំការតស៊ូក្ដីជាមួយកម្ពុជា នៅក្នុងជម្លោះប្រាសាទព្រះវិហារកាលពីឆ្នាំ២០១៣៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។