យុវជនម្នាក់ត្រូវបានបញ្ជូនទៅសាលារាជធានីភ្នំពេញនៅថ្ងៃនេះ ក្រោយពីបង្ហោះព័ត៌មានមិនពិតទៅក្នុងបណ្ដាញសង្គម YouTube។
ប្រធាននាយកដ្ឋានប្រឆាំងបទល្មើសបច្ចេកវិទ្យា លោក ជា ពៅ បានប្រាប់ វី.អូ.ឌី ថា មកដល់ពេលនេះយុវជន រឿន គឹមលន់ ត្រូវបានបញ្ជូនទៅសាលាដំបូងរាជធានីភ្នំពេញហើយ ក្រោយពីបានបង្ហោះព័ត៌មានមិនពិតចូលទៅក្នុងយូធូប ។
ទោះជាយ៉ាងណា លោក ជាពៅ ពុំបានផ្តល់ព័ត៌មានលម្អិតពាក់ព័ន្ធនឹងករណីនេះថា ព័ត៌មានមិនពិតនោះ និយាយពីអ្វីឲ្យប្រាកដទេ។ លោកថា ព័ត៌មានលម្អិតត្រូវទាក់ទងទៅកាន់សាលាដំបូងរាជធានីភ្នំពេញ។
លោកមានប្រសាសន៍ថា៖ «ឥឡូវយើងបញ្ជូនទៅតុលាការហើយ មានការអីទាក់ទងទៅតុលាការបាន»។
តាមការចុះផ្សាយរបស់សារព័ត៌មានក្នុងស្រុកមួយ កាលពីថ្ងៃទី២៦ ខែមីនា ឆ្នាំ២០១៩ យុវជន រឿន គឹមលន់ ត្រូវបានអាជ្ញាធរខេត្តបន្ទាយមានជ័យឃាត់ខ្លួន ក្រោយពីបានបង្ហោះព័ត៌មានមិនពិតនៅក្នុងបណ្តាញសង្គម You Tube ៕